زانا نە وەڪهەڤن د بەرسڤا ڤێ پرسیارێ دا، هەنە دبێژن هەر شرڪەڪا هەبیت بخوڤە دگریت خو ئەگەر یا بچیڪتر ژی بیت وەڪی ڪو ئێڪ سویند بخو ب غەیری خودێ، خودێ لێ نا غەفرینیت، بەلێ سەبارەت گونەهێن مەزن وەڪی زینایێ و ڤەخوارنا مەیێ ئەڤە ل ژێر مەشیئەتا خودێ یە ئانڪو یێ ڤیا دێ بو ژێ بەت و یێ ڤییا بو ژێ نابەت.

و شێخێ ئیسلامی ژی گوتنا وی نە وەڪهەڤە ، جارەڪێ یا گوتی: خودێ شرڪێ نا غەفرینیت خو ئەگەر یا بچیڪتر ژی بیت، و جارەڪێ دبێژیت: ئەو شرڪا ڪو خودێ نە غەفرینیت شرڪا مەزنترە.

و ب هەر حالەڪێ هەبیت دڤێت مروڤ ب گشتی خو ژ شرڪێ بدەتە پاش، چونڪی ب رەنگەڪێ گشتی دبیت شرڪا بچیڪتر ژی ب هەلگریت، ژبەر ڪو گوتنا خودێ تعالی: (أن یشرڪ به) نەناسراوە د شێوازێ (سیاقێ) نەفییێ دا ، و ئەڤەژی مفایێ گشتی ددەت (ئانڪو مادەم نەناسراوە هەر شرڪەڪا هەبیت بخوڤە دگریت، والله اعلم). 

مجموع فتاوی (٢/ ٢٠٣_٢٠٤)/ابن عثیمین