بەرسڤ/

ئەگەر ل روژی گری بو سپێدە و بجەنابەت کەفتبیت ژبەر خەونێ یان جیماعێ چ گونەهـ لسەر نینە، مادەم جیماع بەری بانگێ سپێدێ یا چێبوی، دەلیل ژی (پێغەمبەر سلاڤ لێبن سپێدە (فەجر) بسەردا دهات و ئەو یێ ب جەنابەت، بێ خەون دیتن، سەرێ خو د شویشت و ب ڕوژی د بو). رواه البخاري (1926) ، ومسلم (1109) ژ فەرمودەیا عایشایێ  رازیبونا خودێ لێبیت 

و ب ڤی ڕەنگێ روژیا تە یا وێ ڕوژێ دروستە، بەلێ پا واجب بو تە دەسپێكێ سەرێ خو شویشتبا، چونکی نڤێژ یێن لسەر تە هەین پێدڤیە د دەمێ وان دا بكەی و گیرو نەکەی.

د ئیسلامێ دا نڤێژ روكنەكێ گەلەكێ مەزنە، مەزنتر و تەكیدترە ژ ڕوژی و زەكاتێ و حەجێ و هەمی عیبادەتێن دی، د ڤێت موسلمان ل دیڤ بهایێ وێ گرنگیێ پێ بدەت.

ئەو كەسێ بێخیرەتێی د كرنا نڤێژان دا دكەت یێ د مەترسیەكا مەزندا، هندەك ژ  اهل العلم د بێژن ئەو كەسێ ئێك نڤێژ د هێلیت بێی ئەگەر هەتا دەمێ وێ د بوریت كافرە.

و دەربارەی ترساندنا هێلانا نڤێژێ پێغەمبەری سلاڤ لێبن دبێژیت: ( مَنْ تَرَكَ صَلاةَ الْعَصْرِ فَقَدْ حَبِطَ عَمَلُهُ ) رواه البخاري (553)

 ئانكو: (هەركەسێ نڤێژا ئێڤاری بهێلیت كارێ وی پیچبو)

رواه البخاري (553)

دڤێت ئەو كەسا پرسیاركری  تەوبە بكەت ژبەر هێلانا نڤێژا، و بێخیرەتیكرن د کرنا نڤێژێ دا ل دەمێ وێ، خودایێ مەزن تەوبا تەوبەدارا قەبیل دكەت، ل وان د بوریت یێن بو لایێ وی د زڤڕن.

ژێدەر:

https://islamqa.info/ar/answers/43307/نسيت-ان-تغتسل-من-الجنابة-حتى-غربت-الشمس