ئەگەر كەسەك نڤست و خەون دیت، دەمێ نڤێژێ ژ خەو هشیار بیت، جەو گەلەك یێ صاربیت، ئەو شینوارێت ئاڤا جەنابەتێ (مەنیێ) ژ جلكێت خو ڤەكەت و تەیەممێ بگریت و نڤێژێ بكەت، ژبەر  صەرمایێ پشتی چەند روژا شنی سەرێ خو بشوت، و ب وان جلكا ڤە نڤێژا بكەت، ئەرێ ئەڤ تشتە یێ دروستە؟ ئەرێ سەرشوشتن واجبە پشتێ خەون دیتنێ؟ یان هەما بەسە شینوارێن (مني) ژ جلكێت خو ڤەكەت، و دەسنڤێژێ بگریت ئەرێ دێ پاقژ بیت؟

بەرسڤ/

ژ دلوڤانیا خودێ یە بو بەندەیێت وی  بو هەر ئاریشەكێ  چارەك یا دای ژ بەر گوتنا خودێ دەمێ دبێژیت: (لا يكلف الله نفساً إلا وسعها) ئانكو: دینێ خودێ یێ ب ساناهییە، خودێ وی تشتی ژ بەنییێت خو ناخازیت یێ ئەونەشێن بكەن.

  ئەگەر كەسەك نەشێت سەرێ خو بشوت ژ جەنابەتێ ژبەر نەساخیەكێ یان سەرمایەیەكا زور ئەو دشێت تەیەممێ بگریت و پێدڤی ناكەت ئەو نڤێژێت خو دووبارە بكەت.

ژبەر فەرمودا عەمرێ کوڕێ عاصی دەمێ گوتی: دشەڤەكا صاردا د غەزوا ذات السلاسل دا من خەون دیت، ئەز ژ خو ترسیام ئەگەر سەرێ خو بشوم بمرم، من تەیەمم گرت ومن پێش نڤێژی ل بەری هەڤالێت خو كر، سپێدێ بو پێغەمبەری سلاڤ لێ بن هاتە گوتن پێغەمبەری سلاڤ لێ بن گوت: ئەی عمرو تە نڤێژ ل بەری هەڤالێت خو كر و تو یێ ب جەنابەت، من بو گوت كا چ تشتی وەل من كر ئەز سەرێ خو نەشوم، و من گوتێ من یا گوهلێبوی خودێ دبێژیت: (وَلا تَقْتُلُوا أَنْفُسَكُمْ إِنَّ اللَّهَ كَانَ بِكُمْ رَحِيمًا) (ئانكو: وهنده‌ك ژ هه‌وه‌ هنده‌كان نه‌كوژن ڤێجا هوين ب كرنا وى تشتێ خودێ حه‌رامكرى خۆ تێ ببه‌ن. هندی خودێ یە د وان هەمی تشتان دا یێن وی فەرمان پێ ل هەوە كری و هوین ژێ داینە پاش ب هەوە یێ دلوڤانكار بوویە)، پێغەمبەری سلاڤ لێ بن كرە كەنی و چ تشت نەگوت "

 رواه أبو داود (334) وصححه الألباني في صحيح أبي داود (323) وعلقه البخاري . 

ڤێجا ئەگەر كەسەك  ل جهەكی بو چ تشت نەدیتن ئاڤێ پێ گەرم بكەت و بترسیت ئەگەر ب ئاڤا تەزی سەرێ خو بشوت نەساخ ببیت هینگێ یا دروستە تەیەممێ بگریت، و ئەو نڤێژێت خو دووبارە ناكەتە ڤە.

ژێدەر: 

https://islamqa.info/ar/answers/20156/احتلم-ولم-يغتسل-لشدة-البرد