بەرسڤ: نەخێر نە درستە، تیێ ژنڪێ و زاڤایێ وێ هەردوو نا حساب بن ژ مەحرەمێن وێ. و پێغەمبەری ﷺ هشیارڪرن یا ژ (تیێ ژنڪێ) دای پتری هەمییان وەختا گوتی: (نەوەبیت هوین ب تنێ ب میننە د گەل ژنڪان).

زەلامەڪی ژ ئەنصارا گوتێ: یا پێغەمبەرێ خودێ، پا تو چ دبێژی بو نیزیڪێن زەلامی (یەعنی برایێ وی یان مام و پسمامێن وی و یێن وسا)؟ پێغەمبەریﷺ گوت: (الحمو الموت).

و (الحمو) دهێت بو برایێ زەلامی (تیێ ژنڪێ) و مامێ وێ و پسمام...الخ.

و (الحمو الموت) چەندین مەعنا یێن بو هاتینە دان...
یان دهێت ب مەعنا: دڤێت مروڤ خو دویر بڪەت ژ مانا ب تنێ د گەل نیزیڪێن زەلامی و بێ ستارەیییێ ل دەف وان یان ئاخفتن و سوحبەتێن ژ حەددی بوراندی، ڪا چاوا مروڤ خو ژ مرنێ دویر دڪەت.

یان ژی دهێت ب مەعنا: برایێ زەلامی و نیزیڪێن وی وەڪی مرنێ یە، چنڪی سەرێ دڪێشتە مرنا دینی د دلێ مروڤی دا. و ئەڤە ژی ژبەر هندێ چنڪی خەلڪ سستیێ دڪەن ڪو ژن ب تنێ بمینتە د گەل برایێ زەلامێ خو و خو د گەل بستە بڪەت و یاری و ترانا، ڤێجا هنگێ خرابی پتر لێ دهێت و پتر مەجالێ فتنێ یێ تێدا، یان ژی سەری دڪێشتە ڪوشتنێ.