بەرسڤ:

ژلایێ زمانی ڤە: بریتیە ژ زێدەکرن و گەشەکرنێ، هەر تشتەکێ ژمارە و شێوێ وێ زێدە و مەزن بیت دبێژنێ (زکا) بۆ نمونە: دبێژن (زكا الزرعُ) کو زیراعەتی گەشەکرییە و مەزن بوییە.

ژلایێ زاراڤێ شەرعی ڤە: بریتیە ژ دەرئێخستنا وی بەشێ مالێ ئەوێ کو شەریعەتی فەڕز کری ژ مالەکێ دیارکری بۆ کومەلەکا دیارکری.

هندیکە دانا زکاتێ یە دبیتە ئەگەرێ زێدەکرنا مالی، چونکی خودایێ مەزن دێ دەرگەهەکێ هوسا ل تە ڤەکەت ژ ئەگەرێ دانا زکاتێ هەر دخەیالا تە دا نینە خودایێ مەزن دبێژیت: 

وَمَا آتَيْتُمْ مِنْ زَكَاةٍ تُرِيدُونَ وَجْهَ اللَّهِ فَأُولَئِكَ هُمُ الْمُضْعِفُونَ) (سورة الروم:39)

ئانکو: وهه‌ر زه‌كاته‌كا هوين ب ئنيه‌تا خێرێ وڕازيبوونا خودێ بده‌ن، ئه‌ڤه‌يه‌ ئه‌وا خودێ قه‌بويل دكه‌ت وبۆ هه‌وه‌ گه‌له‌ك زێده‌ دكت. 

هەروەسا دبێژیت: ( وَمَا أَنْفَقْتُمْ مِنْ شَيْءٍ فَهُوَ يُخْلِفُهُ وَهُوَ خَيْرُ الرَّازِقِينَ) (سورة سبأ: 39) 

ئانکو: وچ تشته‌كێ هوين خه‌رج بكه‌ن ژ وى يێ فه‌رمان پێ ل هه‌وه‌ هاتییه‌كرن ئه‌و د دنيايێ دا دێ بۆ هه‌وه‌ به‌ده‌ل ڤه‌ كه‌ت، و ل ئاخره‌تێ خێرێ دێ ده‌ته‌ هه‌وه‌، وخودێیه‌ چێترينێ ڕزقده‌هان.

هەروەسا زکات دبیتە ئەگەرێ زێدەبونا باوەری و ئیمانا خودانی، چونکی دانا زکاتێ ئێکە ژ کارێن باش کو باوەریێ و ئیمانێ زێدە دکەن، هەروەسا دبیتە ئەگەرێ زێدەبونا ڕەوشتێ جوان، و بەرفرەهیی و ڕون بونا دلی و دەرونی.

ژێدەر: سایتێ وەڵامەکان بەشێ زەکات