بەرسڤ: 

خودایێ مەزن دبێژیت: (وَالَّذِينَ يَكْنِزُونَ الذَّهَبَ وَالْفِضَّةَ وَلا يُنْفِقُونَهَا فِي سَبِيلِ اللَّهِ فَبَشِّرْهُمْ بِعَذَابٍ أَلِيمٍ.يَوْمَ يُحْمَى عَلَيْهَا فِي نَارِ جَهَنَّمَ فَتُكْوَى بِهَا جِبَاهُهُمْ وَجُنُوبُهُمْ وَظُهُورُهُمْ هَذَا مَا كَنَزْتُمْ لانْفُسِكُمْ فَذُوقُوا مَا كُنْتُمْ تَكْنِزُونَ) (سورة التوبة:34 -35).

ئانکو: وئه‌وێن مالى هل دگرن، وزه‌كاتا وى ناده‌ن، ومافێن واجب ژێ ده‌رنائێخن، تو مزگينییێ ب عه‌زابه‌كا ب ئێش بده‌ وان. ل ڕۆژا قيامه‌تێ پارچه‌يێن زێڕ وزيڤان دێ داننه‌ د ئاگرى دا، وگاڤا ئه‌و باش هاتنه‌ سۆركرن، دێ ئه‌نى وته‌نشت وپشتێن خودانان پێ ئێنه‌ داخكرن، وبۆ ره‌زیلكرن دێ بێژنه‌ وان: ئه‌ڤه‌يه‌ ئه‌و مالێ هه‌وه‌ يێ كو هه‌وه‌ وه‌ردگرت وحه‌قێ خودێ ژێ نه‌ددا، ڤێجا هوين تام بكه‌نه‌ عه‌زابا ب ئێش، ژ به‌ر وى مالێ هه‌وه‌ هل دگرت.

هەروەسا خودایێ مەزن دبێژیت: (وَلَا يَحۡسَبَنَّ ٱلَّذِينَ يَبۡخَلُونَ بِمَآ ءَاتَىٰهُمُ ٱللَّهُ مِن فَضۡلِهِۦ هُوَ خَيۡرٗا لَّهُمۖ بَلۡ هُوَ شَرّٞ لَّهُمۡۖ سَيُطَوَّقُونَ مَا بَخِلُواْ بِهِۦ يَوۡمَ ٱلۡقِيَٰمَةِۗ) (سورة آل عمران:180)

ئانکو: وئه‌وێن قه‌لسییێ ب وى تشتى دكه‌ن یێ خودێ ژ قه‌نجییا خۆ دايێ، بلا هزر نه‌كه‌ن ئه‌ڤ قه‌لسییه‌ بۆ وان باشه‌، به‌لكى ئه‌و بۆ وان خرابییه‌؛ چونكى ئه‌ڤ ماله‌ يێ وان كۆمكرى ل ڕۆژا ڕابوونێ دێ بته‌ تۆكه‌ك وكه‌فته‌ ستويێ وان.

هەروەسا پێغەمبەرﷺ دفەرمودەیەکێ دا  کو "احمد و بخاری و مسلم" ڤەگوهاستی نە دبێژیت: خودانێ هەر خزینەکێ کو زکاتا وێ نەدەت ل ڕوژا قیامەتێ ئەو مالە دێ هێتە سورکرن ب ئاگرێ دوزەخێ و دێ بیتە پلێت و دێ ب هەردوو تەنشتێن وی و ناڤ چاڤێن ویڤە هێنە هێلان، دێ مینیت هوسا هەتا خودێ حوکمی دکەت دناڤبەرا بەندەیان دا و ماوێ وێ ژی پێنجی هزار سالن و پاشی یان دێ چنە بەهەشتێ یان دوزەخێ.

ئاگەهداربە!!

ئەی برایێ موسلمان بلا ڤیانا مالی وەلتە نەکەت کو ڕوژا دوماهیێ ژ بیراتە بچیت و بیتە ئەگەر تۆ وی مالی پێشکێش نەکەی ل دونیایێ و بهێیە سزادان بۆ ماوێ (٥٠٠٠٠) سالا، و ددەمەکێ دا دبیت ماوەکێ کێم ل دونیایێ لەزەت و خوشیێ ب وی مالی ببەی ئەوێ تە هەی. 

ئاگەهداربە! نە پێشکێشکرنا ڤی مالی ئانکو نەدانا زکاتێ دێ بیتە ئەگەرێ کێم بونا مالێ تە، بەلێ دانا زکاتێ و پێشکێشکرنا وێ دێ بیتە ئەگەرێ زێدەکرنا مالێ تە.

دڤێ فەرمودا پیروز دا پێغەمبەرﷺ دبێژیت: (ما من يوم يصبح العباد فيه إلا ملكان ينـزلان، فيقول أحدهما: اللهم أعط منفقاً خلفاً ويقول الأخر : اللهم أعط ممسكا تلفا) 

البخاري (1442 /304 3).مسلم (1010 /700 /2).

ئانکو: رۆژەک نینە لسەر بەنییان دا بھێت ئیلا دوو مەلائیکەت تێدا دھێنە خوار، فێجا ئێک ژ وان دبێژیت: یا خودێ یێ مالێ خۆ دمەزێخیت بۆ خێرێ تۆ ب زێدە شینا وێ بدێ، و یێ دیتر دبێژیت: یا خودێ یێ مالێ خۆ ژ مەزاختنا خێرێ دگریت، تۆ پویج بکە

ئەڤجا برایێ بەرێز: ئەو مالێ تۆ پێشکێش دکەی دخێرێ دا و دانا زکاتێ دا دێ دوو جارا هند قازانج کەی ئێک پاداشت و ئەجرێ وێ ل ڕوژا قیامەتێ دێ بینی، و ئەوێ دی مالێ تە پێ کێم نابیت بەلکو دێ زێدەتر بیت، بەلێ ئەگەر زکاتێ نەدەی ل وی دەمی چ خێر و پاداشت نا گەهیتە تە و دێ هێیە سزادان و دێ مالێ تە ژناڤ چیت و کێم بیت.

ژێدەر: سایتێ وەڵامەکان بەشێ زەکات