بەرسڤ:

ئەو فەرموودا ئیمامێ ترمذی ڤەگوهاستی ب رێڪا ئەبی وەرد ژ لەجلاج ژ موعاذ بن جەبەل گوت: پێغەمبەرێ خودێ بوو ﷺ گوهـ ل زەلامەڪی بوو د گوت: (اللهم إني أسألڪ الصبر)، ئینا پێغەمبەری ﷺ گوتێ: (تە داخازا بەلایێ ژ خودێ تعالی ڪر ڤێجا داخازا عافیەتێ بڪە).و ئەڤ حەدیسە یا ضەعیفە، شێخ ئەلبانی -رحمه الله- یا ضەعیف ڪری.

ئیمام قاری -رحمه الله- دبێژیت: (جهێ ڤێ بەری رویدانا موسیبەتێ بوو، بەلێ پشتی رویدانا موسیبەتێ و بەلایێ چ مانع نینه مروڤ داخازا سەبرێ بڪەت بەلڪو یا باشە ژی مروڤ داخاز بڪەت، ژبەر گوتنا خودێ تعالی: (ربنا افرغ علینا صبرا).مرقاة المفاتیح (٣٢٤/٨)

ئانڪو ئەگەر مروڤ داخازا سەبرێ بڪەت ل دەمێ د ڪەفتە د بەلایەڪێ دا یان موسیبەتەڪ ب سەری دهێت، یان هەر تشتەڪێ وەسا یێ ڪو مروڤ هەوجەی سەبرێ دبیت، هنگێ دروستە بۆ وی ئەو داخازا سەبرێ ژ خودێ تعالی بڪەت، خودێ تعالی دبێژیت: (وَلَمَّا بَرَزُوا۟ لِجَالُوتَ وَجُنُودِهِۦ قَالُوا۟ رَبَّنَاۤ أَفۡرِغۡ عَلَیۡنَا صَبۡرࣰا وَثَبِّتۡ أَقۡدَامَنَا وَٱنصُرۡنَا عَلَى ٱلۡقَوۡمِ ٱلۡكَـٰفِرِینَ (250) فَهَزَمُوهُم بِإِذۡنِ ٱللَّهِ) البقرة: ٢٥٠_٢٥١

و د دەرحەقا ساحرێن فیرعەونی دا خودێ تعالی دبێژیت: (قَالُوۤا۟ إِنَّاۤ إِلَىٰ رَبِّنَا مُنقَلِبُونَ (125) وَمَا تَنقِمُ مِنَّاۤ إِلَّاۤ أَنۡ ءَامَنَّا بِـَٔایَـٰتِ رَبِّنَا لَمَّا جَاۤءَتۡنَاۚ رَبَّنَاۤ أَفۡرِغۡ عَلَیۡنَا صَبۡرࣰا وَتَوَفَّنَا مُسۡلِمِینَ (126)) الاعراف

بەلێ د حالەتێ عافییەت و سلامەتییێ دا، یا گونجای بۆ وی ئەوە ئەو داخاز ژ خودێ تعالی بڪەت ڪو خودێ تعالی نیعمەتا خۆ ل سەر وی تەمام بڪەت ب عافییەت و سترێ.

یا دووێ:

چ تێدا نینه ب ئانەهییا خودێ ئەگەر ئێڪ داخازا سەبرێ ژ خودێ تعالی بڪەت ئەگەر گرێدەت ب هندێ ڤە ڪو ئەگەر بەلایەڪ ب سەری هات خودێ تعالی سەبرێ بدەتێ، و ئەڤە ژ طەبیعەتی مروڤییە د دونیایێ دا ڪو حەیاتا وی یا ڤالا نابیت ژ بەلا و موسیبەتان، ڪو هەوجەی دوعا و سەبرێ ببیت، ژبەر هندێ ئێڪ ژ دوعایا پێغەمبەری ﷺ ئەڤەبوو: (اللَّهُمَّ بِعِلْمِكَ الْغَيْبَ، وَقُدْرَتِكَ عَلَى الْخَلْقِ، أَحْيِنِي مَا عَلِمْتَ الْحَيَاةَ خَيْرًا لِي، وَتَوَفَّنِي إِذَا عَلِمْتَ الْوَفَاةَ خَيْرًا لِي ، اللَّهُمَّ وَأَسْأَلُكَ خَشْيَتَكَ فِي الْغَيْبِ وَالشَّهَادَةِ ، وَأَسْأَلُكَ كَلِمَةَ الْحَقِّ فِي الرِّضَا وَالْغَضَبِ ، وَأَسْأَلُكَ الْقَصْدَ فِي الْفَقْرِ وَالْغِنَى ، وَأَسْأَلُكَ نَعِيمًا لَا يَنْفَدُ ، وَأَسْأَلُكَ قُرَّةَ عَيْنٍ لَا تَنْقَطِعُ ، وَأَسْأَلُكَ الرِّضَاءَ بَعْدَ الْقَضَاءِ ، وَأَسْأَلُكَ بَرْدَ الْعَيْشِ بَعْدَ الْمَوْتِ ، وَأَسْأَلُكَ لَذَّةَ النَّظَرِ إِلَى وَجْهِكَ ، وَالشَّوْقَ إِلَى لِقَائِكَ فِي غَيْرِ ضَرَّاءَ مُضِرَّةٍ ، وَلَا فِتْنَةٍ مُضِلَّةٍ ، اللَّهُمَّ زَيِّنَّا بِزِينَةِ الْإِيمَانِ ، وَاجْعَلْنَا هُدَاةً مُهْتَدِينَ ) .

رواه النسائي (١٣٠٥) وصححه الألباني في " صحيح الجامع " برقم (١٣٠١)

دوعا ژ خودێ تعالی ڪر ڪو (رازیبوونێ پشتی قەضائێ) بدەتێ، و یا ئاشڪەرایە ڪو بەحسا وێ قەزایێ یە یا ڪو مروڤی پێ نەخوش، چونڪی هەمی ب وی تشتی رازی دبن یێ حەژێ دڪەن، و ئەڤە هندێ ناگەهینیت ڪو مروڤ یێ داخاز دڪەت قەزایەڪا نەخوش ب سەرێ مروڤی بهێت، ڪا چاوا هندێ ناگەهینیت ڪو تشتێن دی ب سەری مروڤی بهێن یێن ڪو هەر د وێ حەدیسێ دا هاتین ژ فەقیری و مرنێ.

والله اعلم

الاسلام سؤال وجواب (191976)