زەلامەكە ئیمامەتییا خەلكی دكەت و پشتی تەكبیرا ئیحرامێ ئیستیعاذێ ب دەنگێ بلند دكەت پاشی "بسم الله"یێ دكەت و پاشی دخوینت، و ئەڤی كاری د هەمی نڤێژێ دا دكەت؟
بەرسڤ:
ئەگەر هندەك جارا بكەت بۆ فێركرنێ هینگی چنینە، هەروەكو عومەرێ كورێ خەتابی هندەك جارا دەنگێ خۆ ب دوعایا (استفتاحێ) دكر، و هەروەسا عبد الله كورێ عومەری و ئەبو هورەیرەی هندەك جارا دەنگێ خۆ ب ئیستیعاذێ بلند دكر، بەلێ بەردەوامی دان ل سەر دەنگ بلندیێ ئەڤە بیدعەیە، و ئەڤە بەروڤاژی سوننەتا پێغەمبەری یەﷺ و خەلیفێن وی یێن ڕێ ڕاست، چونكی ئەوان بەردەوان دەنگێ خۆ بلند نەكرییە، كەسەكێ ژ پێغەمبەری نەڤەگوهاستیە كو وی دەنگێ خۆ ب ئیستیعاذێ بلند كربیت، و خودێ چێتر دزانت.
(مجموع فتاوی شیخ الاسلام ابن تیمیە، 22/404-405 ).