بەرسڤ:

بیدعە ژ لایێ شەریعەتی ڤە ئەڤەیە: (تو عەبدینییا خودێ بڪەی ب وی تشتێ خودێ نە ڪرییە شەریعەت) یان تو دشێی بێژی: (عەبدینییا خودێ بڪەی نە ب وی تشتێ پێغەمبەر -سلاڤ لێ بن- ل سەر، و نە ژی جێگیرێن سەرڕاست (خلفاء الراشدین))،

ڤێجا پێناسا ئێڪێ یا ژ ڤێ گوتنا خودایێ مەزن هاتی: (أَمۡ لَهُمۡ شُرَكَـٰۤؤُا۟ شَرَعُوا۟ لَهُم مِّنَ ٱلدِّینِ مَا لَمۡ یَأۡذَنۢ بِهِ ٱللَّهُۚ) الشوری: ٢١

ئانڪو: (يان ئه‌رێ ما ڤان بوتپه‌رێسان د شرك وسه‌رداچوونا خۆ دا هنده‌ك هه‌ڤپشك هه‌نه‌ وى تشتێ خودێ ده‌ستويرى پێ نه‌داى ژ دينى وشركێ بۆ وان ددانان؟).

و پێناسا دووێ یا ژ ڤێ گوتنا پێغەمبەری -سلاڤ لێ بن- هاتییە وەرگرتن: (علیڪم بسنتي وسنة خلفاء الراشدین المهدیین من بعدي، تمسڪوا بها وعضو علیها بالنواجذ وإیاڪم ومحدثات الامور_هەوە ئەمانەت سوننەتا من و سوننەتا جێگیرێن من یێن سەرڕاست، وێ بگرن، و پدیێن خو ل سه‌ر ب شدینن، و هشیارى وان ڪاران بن یێن د دینى دا نوى ده‌ردڪه‌ڤن، چونڪى هه‌ر تشته‌ڪێ د د‌ینى دا نوى ده‌رڪه‌ڤیت بیدعه‌یه‌، و هه‌ر بیدعه‌یه‌ڪا هه‌بیت بەرزەبوونە).

بەلێ ئەو تشتێن عادی یێن ڪو گرێدای داب و نەریتان (عورف و عەدەتان) بیت، ئەڤە نابیتە بیدعە د دینی دا خو ئەگەر ژ لایێ زمانیڤە بێژنێ بیدعە ژی، بەلێ نە بیدعەیە د دینی دا و نە ئەو بیدعەیە یا ڪو پێغەمبەری -سلاڤ لێ بن- ئەم ژێ پاشڤە لێداین. 

و مە د دینی دا چو بیدعێن باش (حەسەنە) نینن، و تشتێ نوی دەرڪەفتی یێ باش ئەوە یێ ڪو ل دویڤ شەریعەتی بیت، و ئەڤە هندێ بخوڤە د گریت: ڪو ڪەسەڪ ئێڪەم بیت ڪارەڪی دەست پێ بڪەت و ئەو ڪار یێ مەشروع بیت نە ڪو ژ نوی ڪارەڪی شەرع بڪەت.

یان جارەڪادی سوننەتەڪا ڪو خەلڪی ژبیرڪری و پشت دابیتێ ڤؽجا ئەو وێ سوننەتێ ساخ بڪەت ژ پشتی هاتییە هێلان.

یان ڪارەڪی بڪەت ببیتە رێڪ بو ڪارەڪێ دی یێ دروست ڪو عەبدینییا خودێ تێدا بهێتە ڪرن، بو نموونە: ئێڪ رابیت ب چاپڪرنا پەرتووڪەڪا شەرعی.

والله اعلم. 

مجموع فتاوی (٢/ ٢٩٢_٢٩٣)/ابن عثیمین