بەرسڤ:

خواندنا قورئانێ ل سەر قەبران نە دروستە و بیدعەیە و بو مە نە ژ پێغەمبەری -سلاڤ لێ بن- و نە ژ صەحابیێن وی نەهاتییە ڤەگوهاستن، و هەر تشتەڪێ ژ پێغەمبەری و صەحابییێن وی بو مە نەهاتبیتە ڤەگوهاستن ناچێبیت ئەم ژ دەف خو بڪەین، چونڪی پێغەمبەر -سلاڤ لێ بن- یا گوتی: (ڪل محدثة بدعة، وڪل بدعة ضلالة، وڪل ضلالة في النار_هەر تشتەڪێ نوی دەرڪەفتی بیدعەیە، و هەر بیدعەڪ رێ بەرزەبوونە، و هەر بەرزەبوونەڪ یا د ئاگری دا).

و هندی دوعاڪرنە بو مری ل بەر قەبرێ وی چو تێدا نینه مروڤ بڪەت، وەڪی ڪو بێژیت: (یا خودێ تو گونەهێن وی ژێ ببەی، یا خودێ تو دلوڤانییێ پێ ببەی...) و هەر دوعایەڪا وەسا.

و هندی دوعاڪرنە ئەگەر بو خو بڪەت ل بەر قەبری، ئەگەر مەرەما وی ئەو بیت ڪو جهی تایبەت بڪەت ب دوعا ڪرنێڤە ئەڤەژی بیدعەیە، چونڪی ناچێبیت جهی تایبەت بڪەت ب دوعاڪرنێڤە ئەگەر چ فەرموودە یان دەقێن شەرعی پێ نەبن. 

مجموع فتاوی (٢/ ٣٠٩_٣١٠)/ابن عثیمین