نڤێژا جەژنێ چەوا دهێتە کرن؟
بەرسڤ:
چاوانییا كرنا وێ ئەڤەیە: ئیمام حازر بیت و ئیمامەتییا خەلكی بكەت ب دوو ڕكعەتا، د ڕكعەتا ئێكێ دا دێ تەكبیرا ئیحرامێ دەت و پشتی وێ دێ شەش تەكبیراتێت دی دەتن، و پاشی دێ فاتیحێ خوینت و پاشی دێ سورەت (ق) خوینت، ئەڤە ڕكعەتا ئێكێ.
ود ڕكعەتا دووێ دا دەمێ ژ یا ئێكێ ڕادبیت دێ بێژیت (الله أكبر) پشتی ب دروستاهی دراوەستیت ژ پێرڤە دێ پێنج تەكبیرا دەت، ودێ جارەكا دی سورەت فاتیحە خوینت، وسورەت (الانشقاق)، و ئەف هەردوو سورەتێن هە – ئانكو: ق و انشقاق- پێغەمبەری ﷺ دنڤێژا جەژنێ دا یێت خاندین (مسلم: 891)،
وهەكە بڤێت ژی د ڕكعەتا ئێكێ دا سورەت (الاعلی) و دركعەتا دووێ دا سورەت (الغاشیە) بخوینت دروستە (مسلم: 878).
و یا باشە د خوتبا خودا تشتەكێ تایبەت بۆ ئافرەتا بێژیت، كو فەرمانا وان بكەت ب وی تشتێ فەڕز ل سەر وان، و نەهییا وان بكەت ژ وی تشتێ دڤێت خۆ ژێ دیر بێخن، هەروەكو پێغەمبەری ﷺ ئەف كارە دكر
(مجلە التوحید، ابن عثیمین: ع 10 / ص 59)
عربة الشراء