ئەگەر من ئایەتەك خاند و سوجدە تێدابو ئەرێ واجبە ل سەر من ئەز بچمە سوجدێ یان نە؟
بەرسڤ:
سوجدا قورئان خواندنێ سوننەتەكا موئەكەدە نەیا باشە مروڤ بهێلیت، ڤێجا ئەگەر مروڤی ئایەتەك خواند و سوجدەك تێدابو بلا بچیتە سوجدێ چ ل سەر قورئانێ بخوینت یان ژبەر وچ د نڤێژێ دا بیت یان ژدەرڤەی نڤێژێ، نە واجبە و هەروەسا گونەهكار ژی نابیت ئەگەر نەچیت، ژبەر كو یا بنەجهـ بوی ژ مەزنێ خودان باوەرا عومەرێ كورێ خەطابی كو ئەوی سورەت نەحل ل سەر مینبەری دخواند و گەهشتە سوجدێ ئینا هاتە خوارێ و چوو سوجدێ، و دئەینییا پشتی وی هەر دیسان جارەكا دی سورەت نەحل خواند لێ نە چوو سوجدێ و پاشی گوت: ((خودێ سوجدە ل سەر مە نەفەڕز كرییە، تێنەبیت ئەگەر مە بڤێت)) (بخاری: 1077)
ئەف گوتنە گوت ب حازر بوونا گەلەك ژ صەحابیان گوت. هەروەسا یا بنەجهـ بوی كو زەیدێ كورێ ثابتی بۆ پێغەمبەری ﷺ سورەت نجم خاند ودەمێ گەهشتییە سوجدێ نەچو سوجدێ (بخاری (1072) ومسلم (577))،
و ئەگەر واجب با دا پێغەمبەر ﷺ فەرمانا وی كەت كو ئەو بچیتە سوجدێ، ئەو سوننەتەكا موئەكەدە و یا باشە مروڤ نەهێلیت خۆ ئەگەر د دەمێن نەهیێ دا بن پشتی نڤێژا سپێدێ بۆ نمونە یان پشتی یا ئێڤاری چونكی ئەڤێ سوجدێ ئەگەرەكێ هەی، و هەر نڤێژەكا ئەگەرێ خۆ هەبیت مروڤ دێ كەت خۆ ئەگەر د دەمێ نەهیێ ژی دا بیت وەك سوجدا قورئان خاندنێ و تەحیەت المسجد و ئەوێت وەك ڤان
(فتاوی الاسلامیە، ابن عثیمین: 3/329).
عربة الشراء