بەری زڤرۆکا من یا هەیڤانە بهێت ئەز ئاڤەکا ب سەر قەهوائی ڤە دبینم ئەڤ ئاڤە پێنج ڕوژا بەردەوام دبیت دگەل من، پاش دێ خوینا سروشتی یا عادێ هێت، و دێ ئەڤ خوینا سروشتی یا عادێ بەردەوام بیت بو ماوێ هەشت ڕوژا پشتی وان هەر پێنج ڕوژێن دەستپێکێ، و ئەز نڤێژا دکەم د ڤان هەر پێنج روژان دا [ ئانکو ئەو روژێن ئاڤەکا سەر قەھوائیڤە دبینیم بەری خوینا سروشتیا عادی بھێت ] بەلێ پرسیار ئەڤە یە: ئەرێ نڤێژ و روژی د ڤان روژان دا واجبن لسەر من یان نە؟ 

بەرسڤ:

ئەگەر پێنج ڕوژێن ئاڤا قەهوائی د ڤەقەتیایی بن ژ خوین ھاتنا پێشیێ، [ ئانکو ژ ئەو خوینا پێشییا ڕوژێن عادێ دھێت] ھینگێ دروستە ئەو روژییا بگریت و نڤێژان بکەت، چونکی زەراتی و ئاڤا  قەهوائی نابنە رێگر.

هەروەسا پشتی پاقژییێ ژی ئەگەر زەراتی و ئاڤا قەهوائی ھاتن ئەڤە نابنە رێگر بۆ ڕۆژیێ و نڤێژێ، بەلێ دێ وەکی میزێ سەرەدەری دگەل ھێتە کرن، دێ تارەتێ ژێ گری [ ئانکو دێ خۆ پاقژ کەی و دەستنڤێژێ گریی] و نڤێژێ کەی. 

بەلێ پا ئەگەر ئەڤا قەهوائی یا گرێدایی بیت ب عادێ ڤە ئانکو پشتی پێنج ڕوژا ئێکسەر عادە دیت بێی ناڤبر ئەڤە دێ هێتە هژمارتن ژ عادێ نڤێژا ناکەی و ڕۆژییا ناگری، ئەگەر ڕۆژا پێنچێ پێڤە گرێدایی بیت.

بەلێ ئەگەر دناڤبەرا وان دا ناڤبرەك هەبیت ڕوژەکێ یان نیڤ ڕوژێ و تشتەکێ ھوسا، ئانکو ناڤبرەك هەبیت دناڤبەرا ڤێ ئاڤا قەھوائی دا ھەتا بچیت، پاش تۆ پاقژ دبی، و پاش خوین دھێت خوینا عادێ، ھینگێ ئەڤە یا ڤەقەتیاییە، و نا ھێتە ھژمارتن ژ عادێ، و لسەر تە پێتڤییە نڤێژێن خۆ بکەیی، و بۆ هەر نڤێژەکێ دێ تارەتێ گری پشتی دەمێ نڤێژێ دھێت و دێ نڤێژێ کەی.

و هوسا ژی ئەگەر پاقژ بوی ژ عادێ و ئەڤ ئاڤێن زەر و قەهوائی تە دیتن دێ تارەتێ گری پشتی هەر دەمەکێ نڤێژێ و دێ نڤێژێ کەی، و ناهێتە هژمارتن ژ عادێ. 

بەلێ ئەو ئاڤا گرێدایی بیت بھاتنا خوینا عادێ ڤە، ئەو دھێتە ھژمارتن ژ عادێ، ڤێجا ئەو ئاڤا پێڤە گرێدایی بیت چ بەری ھینگێ بیت یان پشتی ھینگێ، ئەو دھێتە ھژماڕتن ژ عادێ.

فەتوا :- شێخ عبدالعزیز ابن باز