بەرسڤ:

نەیا دروستە بۆ مروڤی ئەگەر نڤێژ ب دوماهیك ئینا ئەو دەستێت خۆ بلند بكەت و دوعا بكەت، و ئەگەر ئەوی بڤێت دوعا بكەت دوعاكرنا دنڤێژێ‌ دا گەلەك باشترە ژ دوعاكرنا پشتی خلاس بونا ژ نڤێژێ‌، و پێغەمبەری ﷺ بەرێ‌ مە دایە ڤێ‌ چەندێ‌ د فەرموودا عبدالله یێ كورێ‌ مەسعودی دەمێ‌ بەحسێ‌ تەحیاتا دنڤێژێ‌ دا كری و گوتی: (پاشی كانێ‌ چ دوعا ب دلێ‌ وی نە بلا بۆ خۆ بكەت، ئانكو پشتی ژ تەحیات و صەلەواتاخلاس دبیت ) (البخاري (835) مسلم (402).

ئەما كارێ‌ هندەك مروڤێن عامی پێ‌ ڕادبن كو هەر جارەكا ئەوان سوننەتەك كر ئێكسەر پشتی هینگی دەستێن خۆ بلند دكەن، هەتا هندەك ژ وان هەنە دێ‌ بێژی دوعا ناکەن، ژبەر كو دێ‌ بینی قامەتا نڤێژێ‌ دهێتە كرن و ئەو یێ‌ د تەحیاتێ‌ دا ژ سوننەتا خۆ گاڤا سلاڤ ڤەدا دەستێت خۆ بلندكرن، هەروەكی ئەو و خودێ‌ دزانت هەما هوسا دەستێت خۆ بلند دكەت ئانكو بۆ شكل، پاشی دێ‌ سەروچاڤێت خۆ ڤەمالیت، ئەڤە هەمی بۆ پاراستنا ل سەر ڤێ‌ دوعایا هە ئەوا ئەو هزر دكەن یا دروستە، و ئەو بخۆ نەیا دروستە و بەردەوامی دانا ل سەر بڤی شێوەی دهێتە هژمارتن ژ بیدعا 

(مجلە التوحید، الشیخ ابن عثیمین: ع 11/ ج 63)