حوكمێ دانا زەكاتێ بۆ داخوازكەرێ زانینێ؟
بەرسڤ:
داخوازكەرێ زانینێ ئەوێ كارێ وی بەس داخوازكرنا زانستێ شەرعی بیت خۆ ئەگەر بشێت بۆ خۆ كار ژی بكەت دروستە زەكات بهێتە دان بۆ وی، ژبەر كو داخوازكرنا زانینێ ئێك ژ جورێن جیهادا د ڕێكا خودێ دایە، و خودێ تەعالا جیهادا د ڕێكا خودا كرییە لایەنەك بۆ وەرگرتنا زەكاتێ دەمێ دبێژیت: [إِنَّمَا ٱلصَّدَقَٰتُ لِلۡفُقَرَآءِ وَٱلۡمَسَٰكِينِ وَٱلۡعَٰمِلِينَ عَلَيۡهَا وَٱلۡمُؤَلَّفَةِ قُلُوبُهُمۡ وَفِي ٱلرِّقَابِ وَٱلۡغَٰرِمِينَ وَفِي سَبِيلِ ٱللَّهِ وَٱبۡنِ ٱلسَّبِيلِۖ فَرِيضَةٗ مِّنَ ٱللَّهِۗ وَٱللَّهُ عَلِيمٌ حَكِيمٞ] [التوبة:60]
ئانکو: زه‌كاتا واجب بۆ هه‌ژارێن پێتڤى يێن چو نه‌يى دئێته‌دان، وبۆ وان به‌رده‌ست ته‌نگان ژى يێن هند نه‌بت تێرا وان بكه‌ت، وبۆ وان يێن زه‌كاتێ كۆم دكه‌ن، وبۆ وان يێن هه‌وه دڤێت دلێن وان ب لايێ خۆ ڤه بكێشن يێن هه‌وه هيڤى هه‌ى كو موسلمان ببن يان باوه‌رییا وان ب هێز بكه‌ڤت يان مفاى بگه‌هيننه موسلمانان، يان ژى خرابییا ئێكى پێ ژ موسلمانان بده‌نه پاش، وزه‌كات بۆ ئازاكرنا گه‌رده‌نا به‌نییان دئێته‌دان، وبۆ هه‌ڤڕكان دا ئه‌و نه‌خۆشییا د ناڤبه‌را وان دا پێ بێته چاككرن، وبۆ وان يێن قه‌ردارییێ بارێ وان گرانكرى، وبۆ شه‌ڕكه‌رێن د ڕێكا خودێ دا، وبۆ وى ڕێڤنگى يێ مال د ده‌ستان دا نه‌مابت، ئه‌ڤ لێكڤه‌كرنه تشته‌كێ فه‌ره خودێ داناى. وخودێ يێ پڕزانايه ب وى تشتێ مفايێ به‌نییێن وى تێدا، يێ كاربنه‌جهه د ڕێڤه‌برن وشريعه‌تێ خۆ دا.
بەلێ ئەگەر ئەف قوتابییە كارێ وی داخوازكرنا زانینەكا دونیایێ بیت هینگی زەكات ناهێتە دان بۆ وی، ودێ بێژینە وی: تو نوكە یێ كاردكەی بۆ دنیایێ، و تۆ دشێی بوخو داخوازا كارەكی بكەی بڤێ زانینێ و ئەم زەكاتێ نادەینە تە
(مجلە التوحید، الشیخ ابن عثیمین: ع 6 / ص 61)
عربة الشراء