ئه‌و كیش مروڤن كو درۆسته بۆ ژنكێ بچیته ده‌ستێ وان؟
به‌رسڤ:
بۆ وێ نینه ئه‌و بچیته ده‌ستێ كه‌سه‌كی ژبلی وه‌لیێ وێ و مه‌حره‌مێ وێ، زه‌لامێ وێ و مه‌حره‌مێت وێ، زه‌لامێن مه‌حره‌م ئەڤەنە: بابێ زه‌لامی، بابێ وێ، و کورێ زەلامێ وێ، كورێ وێ، برایێ وێ، مامێ وێ، خالێ وێ، ئه‌ما ئه‌و بچیته ده‌ستێ زه‌لامێ خیشكا خۆ، یان برایێ زه‌لامێ خۆ، یان كور مامێ خۆ، یان كور خالێ خۆ، یان جیرانه‌كێ خۆ، ئه‌ڤاهه‌نێ چێنابیت، چونا ده‌ستی نه بۆ زه‌لامایه تێنه‌بیت بۆ مه‌حره‌مێت وێ، ژبه‌ر ڤێ چه‌ندێ ده‌مێ پێغه‌مبه‌ری ﷺ به‌یعه ژ خه‌لكی وه‌ردگرت وژنكه‌كێ ده‌ستێ خۆ درێژكر، ئه‌وی ده‌ستێ خۆ گرت و گوت: (ئه‌ز ناچمه ده‌ستێ ژنكا). وعائیشایێ –خودێ ژێ ڕازی بیت- گوت: چ جارا ده‌ستێ پێغه‌مبه‌ری ب ده‌ستێ چ ژنكا نه‌كه‌فتییه، و ئه‌وی به‌یعه نه‌دا وان تێنه‌بیت ب ئاخفتنێ، و ئه‌ڤاهه‌نێ گه‌له‌ك جارا په‌یدا دبیت ژ هنده‌ك ژنكا ب تایبه‌تی ل ده‌شتێ وده‌ڤه‌رێن دی، ڤێجا یا فه‌ره ئه‌و هشیاربن ژڤێ چونا ده‌ستی وئه‌و به‌س بۆ مه‌حره‌ما بیت: وه‌ك بابێ و برایی و مامی و زه‌لامێ وێ و بابێ زه‌لامێ وێ و كورێ زه‌لامێ وێ و هه‌روه‌سا ژنكا، ئه‌ما چونا ده‌ستێ مروڤێ نه‌مه‌حره‌م ئه‌وێ دروست بۆ وی ئه‌و وێ بۆ خۆ بخوازیت، وه‌ك كور مامێ وێ، و زه‌لامێ خویشكا وێ، كو ئه‌گه‌ر خویشكا وێ به‌رده‌ت هینگی دروسته وێ بۆ خۆ بخوازیت، ئه‌گه‌ر به‌رده‌ت یان بمریت هینگی دروسته، ڤێجا نابیت بچیته ده‌ستێ برایێ زه‌لامێ خۆ، و مامێ زه‌لامێ خۆ، و خالێ زه‌لامێ خۆ، و زه‌لامێ خوشكا خۆ، ئه‌ڤێت هه‌نێ هه‌می چێنابیت، چونكێ ئه‌و نه‌مه‌حره‌من، هه‌روه‌سا نه‌چیته ده‌ستێ جیرانێت خۆ، وكور مامێت خۆ، وشوفێرێ خۆ، وخزمه‌تكارێ خۆ.
❪📥❫ به‌رسف بده‌نگی لڤی لینكێ خوارێ
http://www.binbaz.org.sa/noor/2279
عربة الشراء