الحمداللە

مرن کارەکە خودێ نڤیسی و موقەدەر کری ل سەر بەندەی، هەر وەکی خودێ دبێژیت ( وَمَا كَانَ لِنَفْسٍ أَنْ تَمُوتَ إِلَّا بِإِذْنِ اللَّهِ كِتَابًا مُؤَجَّلًا آل عمران/145. ئانکو(كه‌سه‌ك نامرت بێى ئانه‌هى وقه‌ده‌را خودێ وحه‌تا وى ده‌مى خلاس دكه‌ت يێ خودێ بۆ وى داناى ونڤيسى نڤيسينه‌كا پاش ئێخستى.

ژ عبداللە کورێ مسعودی ( رازی بونا خودێ ل سەربیت) هاتیە ڤەگوهاستن دبێژیت: پێغەمبەر ( سلاڤێن خودێ ل سەر بن) ئەو یێ راستگو و باوەرپێکری بو مە دئاخڤت ودگوت( هەر ئێك ژ وە دچل روژان دادزکێ دەیکا خو دا دروست دبیت پاشی دچل روژێن دیتر دا دبیتە چبکەکا خوینا سور، پاشی دبیتە پارچەکا گوشتی، پاشی خودێ مەلایکەتەکێ فرێدکەت و ئەمرێ وی مەلایکەتی دهێتە کرن چار تشتا بو مروڤی( زاروکی) بنڤیسیت کار و کریارێن وی رزقێ وی و مرنا وی و کا دێ یێ کەیڤ خوش بیت یان نە و کا دێ ئەهلێ ئاگری بیت یان بەحشتێ پاشی ئەو روحێ دکەتە دلەشێ وی دا."روی البخاری (٣٢٠٨) ومسلم(٢٦٤٣)”

ژ عبداللە ێ کورێ عمرێ کورێ عاصی (رازی بونا خودێ ل سەربیت) دهێتە ڤەگوهاستن دبێژیت: من گوهـ ل پێغەمبەری بو( سلاڤێن خودێ ل سەربن)گوت خودێ تعالی قەدەرا هەمی چێکریێن خو یا نڤیسی ژبەری ئەو عەرد و عەسمانا چێکەت ب پێنجی هزار سالان، و گوت عەرشێ وی ل سەر ئاڤێ بوو. "روی مسلم(٢٦٥٣)

و مرن خودێ عزوجل ب ئەگەرێن وێ حەس دڪەت، وجهێ وێ و وەختێ وێ

وهندەك ژ خەلکێ ب نەساخیێ دمرن ، وهندەك ب کوشتنێ... و ژبلی ڤان ژوان ل باژێرێ خو دمرن ژوان ل باژێرەك دی دمرن.

و هەکەر خودێ حەس کر فلان ب نەساخیێ بمریت گومان تێدا نینە کو ئەو کەسە ب نەساخیێ دێ مریت، چ وی کەسی نساخیا خو زانی بیت یان نە چ چارەسەری کربیت یان نە ، وشەرعەن دڤێت نساخ سەبەبێن چارەسەریێ بجهبینیت وچارەسەریێ وەرگریت ، چونکی ئەو نزانیت کا خودێ مرنا وی ب ڤێ نساخیێ نڤیسییە یان نە، بەلێ هەکە ر خودێ مرنا وی ب نساخیێ نڤیسی بیت خو ئەو کەسە چارە سەر ژی بیت دێ هەر ب نساخیێ مریت وئەڤە قەدەرا وی یە بو هاتیە نڤیسین.

و هەکەر خودێ حەس کر کو ئێك ل جهەکێ دیر ژ باژێرێ خو بمریت گومان تێدا نینە ئەو ب کەڤیتە وێ چەندێ دێ بینی ئەو مروڤە هاتە ڤەگوهاستن بو وی جهی و ل وێری مر ئەڤە ژی دا کو قەدەرا خودێ بو وی نڤیسی بجهبێت، هەر وەك خودێ عز وجل دبێژیت(وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ  لقمان/34. ئانکو :ونه‌فسه‌ك نزانت كانێ دێ ل كيژ عه‌ردى مرت. به‌لكى خودێ‌یه‌ ب تنێ ڤى تشتى دزانت. هندى خودێ‌یه‌ پڕزانايێ شاره‌زايه‌ دۆر ل تشتێ ئاشكه‌را وڤه‌شارتى گرتییه‌، تشته‌ك ژێ ل به‌ر وى به‌رزه‌ نابت.

ب کورتی/ خودێ تعالی قەدەرا مە هەمیا نڤیسی یە دناڤ لەوحێ پاراستی دا( لوح المحفوظ) ب پێنجی هزار سالا بەری عەرد و عەسمان بهێنە چێکرن مرنا مە دێ ب وێ قەدەرێ بیت یا بومە هاتیە نڤیسین.

و خودێ چێتر دزانیت

العقيدة/ الإيمان بالقضاء والقدر

وەرگێران ب دەست کاری ڤە

https://bit.ly/3ekxDwJ