کرێکارەک ل سەر کاری یێ تووشی ڕوودانەکێ بووی، ژ ئەگەرێ وێ چەندێ ئێک ژ ئەندامێن لەشێ وی یێ تووشی برینەکا کویر بووی و ڕێژا گەهاندنا زیانێ ب وی کرێکاری ۱۸%یە، ئەرێ ل سەر خودانێ کاری پێدڤییە قەرەبوویا وی کرێکاری بکەت؟ د دەمەکیدا هەتا نوکە ژ ئەگەرێ وێ ڕوودانێ خودانێ وی کاری یێ کرێیا هەیڤانە یا وی کرێکاری ددەت، بێ کو کرێکار کار ژی بکەت، بەرسڤا مە بدەن و خودێ خێرا هەوە بنڤیسیت.

بەرسڤ:

الحمد لله ربِّ العالمين، والصلاة والسلام على مَن أرسله الله رحمةً للعالمين، وعلى آله وصحبه وإخوانه إلى يوم الدين، أمَّا بعد: یێ ئاگەهدار بە و بزانە ئەگەر خودانێ کاری ئەگەر بیت و ژ ئەگەرێ کێمترخەمییێ و نەگرنگیدان ب ئەگەرێن خۆپاراستنێ کو دبنە ڕێک بۆ ڕویدانا وان کاران، ئەگەر هاتوو و ئێک ژ کرێکاران تووشی ڕویدانەکێ ببیت، خوین و قەرەبوویا وی دێ کەڤیتە سەر خودانێ کاری، ژ ئەگەرێ کێمترخەمی ونەگرنگیدانا وی ب ڕێکێن خۆپاراستنێ. ب تنێ دڤێت ئاگەهداری هندی بین کو یا دورست ئەوە کەسێ بریندار ب چ ناهێتە قەرەبوکرن، هەتا باش دبیت، ئەگەر باش بوو و وەکی بەرێ لێ هات، ئەوێ وەسان ناهێتە قەرەبوو کرن ب تنێ پارێ دختۆری و دەرمانان یێن کو سەرف کرین دێ بۆ هێتە دان، بەلێ ئەگەر وەکی بەرێ لێ نەهات، دێ هێتە قەرەبوو کرن و حەقێ خوینا وی هێتە دان، ل دووڤ وان کێموکاسییان یێن د ئەندامێن لەشێ ویدا دورست بووین، ئەگەر ڕێژا کێموکاسییان یا بەردەوام بوو پشتی ساخبوونێ ب ڕێژەکا بەرچاڤ، ل وی دەمی جهێ هزرکرن و بەرێخۆدانێیە، ئەگەر نە، دێ چاڤ ل سەر ڕێژەیەکێ هێتە خشاندن ب ئامادەبوونا کەسەکێ تایبەت ب وی کاریڤە و دێ هێتە قەرەبوو کرن ل دویڤ ئەنجامێ ڤەکۆلانا نۆژداری ل دویڤ ڕێژا زیانێ و وان کێموکاسییان یێن ژ ئەگەرێ وێ ڕویداین، هەر وەسان د ماوێ بەری نوکەدا کار نەکرنا وی کرێکاری (ژ ئەگەرێ وێ ڕویدانێ) کرێیا هەیڤانە یا کرێکاری دابیت، ب ئنیەتا قەرەبوو کرنێ، ئەو دێ کرێ ژی هێتە هژمارتن و دێ قەرەبوویا وی هێتە کێمکرن و بڕین، بێگومان پشتی هەلسەنگاندنا نۆژداری.

والعلم عند الله تعالى؛ وآخِرُ دعوانا أنِ الحمدُ لله ربِّ العالمين، وصلَّى الله على محمَّد وعلى آله وصحبه وإخوانه إلى يوم الدين، وسلَّم تسليمًا.

العلامة (محمد علي فركوس) – حفظه الله -