بابێ من فرۆشگەهەکا هەی ئامیرێن کارەبایی تێدا دهێنە فرۆتن، وەکی: تەلەڤزون و ڤیدیوو و هندەک ئامیرێن موزیکێ و هەروەسان سەعەت و هتد...، و داخوازێ ژ من دکەت لبەر بم بۆ فرۆتنا وان، بەلێ پا ئەز داخوازییا وی ڕەت دکەم، ئەرێ ئەو کارێ من ب خرابی دهێتە هژمارتن د گەل بابێ من؟ ئەرێ چ ل سەر من یا پێدڤییە؟

بەرسڤ:

ئەو کارێ تە یێ ب خراب و گونەهـ نینە ل بەرانبەر بابێ تە، ئەگەر ب وی کارێ حەرام یێ بابێ تە دکەت ڕازی نەبووی، بەلکو ل سەر تە پێدڤییە شیرەتان لێ بکەی و بێژییێ: ئەڤە یا حەرامە و شۆلێ تە یێ حەرامە، ئەگەر هێلا ئەو ب تنێ یا ل سەر تە، بەلێ ئەگەر نەهێلا ئەو گونەهـ یا ل سەر وی و تو دێ بهایێ شیرەتا خۆ وەرگری، چونکی خودایێ مەزن گۆتییە پێغەمبەری ﷺ: { لَيْسَ عَلَيْكَ هُدَاهُمْ وَلَكِنَّ اللَّهَ يَهْدِي مَنْ يَشَاءُ } [ البقرة : 272 ] ، و ئەگەر گۆتە تە بۆ فرۆتنێ ل بەر بە، تو چو تشتان بۆ حەرامییێ نەفرۆشە، ب تنێ تشتێ حەلال بفرۆشە یین کو پڕانییا خەلکی بۆ تشتێن حەلال ب کار دئینن، وەکی: ڕادیۆیان ... بەلێ ڤیدیوو و تەلەڤزۆنان نەفرۆشە، چونکی پڕانییا وان یێن ڤان ئامیران دکڕن د حەرامییێ دا بکاردئینن. 

الشیخ (محمد بن صالح العثیمین) ـ رحمه الله ـ