ئەرێ حۆکمێ چاڤلێکرنا هێما و لۆگۆییێن بازرگانی چییە؟ و ئەرێ دورستە کڕین و فرۆتن ب هێمایێن سەختە بهێتە کرن؟ئانکو خەلکی دڤێت نیشان و هێما و لۆگۆییێن ئەسلی ب سەختەیی و حیلە ل سەر کەلوپەلێن خۆ بدانن دا کو وەکی یا ئەسلی لێ بهێت و بهێتە پێشچاڤ؟

بەرسڤ:

ئەڤە یا دورست نینە، چونکی ئەڤە حیلەیە و تەلهەکە بۆ برنا مالێ ئێک و دوو ب ڕێکێن نە دورست، چونکی بکڕ وان کەلوپەلان دکڕیت ژبەر دیتنا وی لۆگۆییێ ل سەر دێ هزر کەت یێ ئەسلییە، ئەگەر ناکڕیت، ئەڤە چەندە ژی ب غش و درەو دهێتە هژمارتن. و ئەوێ ڤی کاری ژی بزانیت نابیت وی تشتی بکڕیت، چونکی یێ هاریکارییا وی کەسێ فرۆشیار دکەت د تشتێ سەختە و درەودا.

شێخ (عبید بن عبدالله الجابری).