بەرسڤ:

ب ناڤێ خودایێ مەزن و دلۆڤان. دهێتە زانین دشەریعەتی دا و ل دەڤ موسلمانان ژی گۆشتێ بەرازی یێ حەرامە، چ خوارنا وی یان فرۆتنا وی بیت، ڤێجا کارکرن ل وی جهی کو حەرامی تێدا دهێتە خوارن یان فرۆتن و تو ژێ پێشکێش دکەی یان ئامانان دشۆیی یان هەر جۆرە هاریکارییەکا هەبیت بکەی ل سەر تە حەرامە، بەلگێ حەرامییا وی کارێ تو دکەی ئەڤەیە کو خودایێ مەزن دبێژیت: { وَتَعَاوَنُواْ عَلَى الْبرِّ وَالتَّقْوَى وَلاَ تَعَاوَنُواْ عَلَى الإِثْمِ وَالْعُدْوَانِ }، سورة المائدة(2). ئانکو: هاریکارییا ئێک و دوو بکەن ل سەر باشییێ و ترسا خودێ و هاریکارییا ئێک و دوو نە کەن ل سەر گونەهێ و خرابییێ. ئەڤە قاعیدەکێ مەزن یێ ژارپێکرییە د شەرعی دا، وەکی قەدەغەکرنا فرۆتنا تری ب کەسەکی کو بکەتە ئارەق و فرۆتنا چەکی ل دەمێ شەڕی د ناڤبەرا موسلماناندا و نەدورینا جلوبەرگێن زالمان و ئەڤە هەمی ژبەر هندێ یە دا بەژدار نەبی د گونەها بکەرێن وان کاران دا. ژ لایێ مامۆستا (خلیل أحمد)یڤە یا هاتییە بەرسڤدان. https://walamakan.com/715