پرسیـار:

ئەڤ دەمێ هەوە باش، ڕێز و سلاڤ من دوکان یا هەی ئەگەر ئەز تشتێن گرێدای سەرێ سالێ بفرۆشم یێن کو گرێدای ب سەرێ سالێ ڤە، وەکی دار و جوانکارییێن ب دیواری ڤە و هتد... ئەرێ پارێ وان یێ حەرامە؟ هیڤی دکەم بۆ من ڕۆهن بکەن و دووماهییێ گەلەک سوپاس.

بەرسڤ:

ب ناڤێ خودایێ مەزن و دلۆڤان.

فرۆتنا وان تشتێن گرێدای ب سەرێ سالێ ڤە یا حەرامە، ژبەر هندێ ناچێ بیت بۆ موسلمانا کارێن ب ڤی ڕەنگی ئەنجام بدەن و هاریکارییا سەرداچوویان و خاچ پەرێسان و دویکەفتیێن وان و چاڤلێکرنا وان بکەن ل سەر گونەهێ و خرابییێ، ژبەر کو ئەو کارێ یێ تایبەتە ب خاچ پەرێسان ڤە ب چو شێوازەکی دورست نینە بۆ موسلمانان بەژدار ببن د گەل وان، بەلگە ژی ئەڤ ئایەتا قورئانێ یە: (وَتَعَاوَنُواْ عَلَي الْبرَّ وَالتَّقْوَي وَلاَ تَعَاوَنُواْ عَلَي الإِثْمِ وَالْعُدْوَانِ وَتَّقُواْ اللّهَ إِنَ اللّهَ شَديِدُ الْعِقَابِ) [سورة المائدة: (۲).]

ئانکو: هاریکارییا ئێک و دوو بکەن ل سەر باشییێ و خۆ پاراستنا ژ گونەهان و هاریکارییا ئێکودو نەکەن ل سەر خرابی و دەست درێژییێ و ژ خودێ بترسن، ژبەر کو ب ڕاستی ژی سزایێ خودێ یێ دژوارە.

https://walamakan.com/280