بەرسڤ:

بسم الله الرحمن الرحیم

سوپاسی و مەدح بۆ خودایێ مەزن بن و سلاڤ ل سەر ڕوحا پێغەمبەرێ خودێ و ل سەر خێزان و کەسوکار و ئیمانداران و هەڤال و دویکەفتیێن وی بن. ئەنترنێت تشتەکێ باشە و خرابی ژی یا تێدا هەی، لدویف وی کەسی دمینیت یێ بکاردئینیت، بەلێ پا ب ڕەنگەکێ گشتی نەشێین بێژین حەرامە، ئەگەر کەسەک ب باشی ب کار بینیت و دێ مفای ژێ 

وەرگریت، وەکی کۆمپیۆتەری و مۆبایلێ ... هتد، بۆ نموونە، هندەک کەس چەکی د ڕێکا خودێ دا بکاردئینن و هندەک ژی بۆ کوشتنا موسلمانان ب ڕەنگەکێ نە دورست بکاردئینن، ئانکو ئەنترنێت ژی ئەگەرەکە بۆ ئێک ژ باشییێ یان خرابییێ، من چ ژ ئەهلێ علمی نەدیتییە حۆکمێ حەرامکرنێ ل سەر ئەنترنێتێ بدانیت، بەلێ پا حۆکمێ وێ یێ هێلاییە لسەر ب کارهینەرێ وێ کا دێ چەوا و ب چ ڕێک بکارئینیت. ئەگەر پرسیارا تاکەکەسی بهێتە کرن، دێ بێژین ئەگەر ئەو ژ خودێ نەترسیت و تەقوا خودێ نە کەت، دێ بکارئینانا وێ وی تووشی خەلەتییێ و گونەهێ کەت، لەوما یا پێدڤییە بکارنەئینیت. ئەگەر ئیمانا وی ڕێک نە بیت، ب تنێ ئنتەرنێتەک ل مال هەبیت ئەو دێ مەترسییەکا مەزن هەبیت کو تووشی گونەهـ و خەلەتییێ ببیت و گەلەک یا ب ساناهییە مرۆڤ بتەحسیت و ئەگەر تەحسی ژی ل دووماهییێ دێ گەلەک دویرکەڤیت و ئەو ب خۆ ژی نزانیت کو ڕوژ ب ڕوژ دێ ژ ڕێکا ڕاست دویرکەڤیت، کا چەوان وەکی خودایێ مەزن گۆتی: [فَقَدْ ضَلَّ ضَلَالًا بَعِيدًا] ئانکو: سەرداچوون و ڕێ بەرزەبوونا وی دێ وی گەلەک ژ ڕێکا حەق و دورست و ژپەرستنا خودێ دویرئێخیت. نسبەت وان کەسێن سەنتەرێ ئەنترنێتی هەی، ئانکو ئەوێن هێلا ئەنترنێتێ دابەش دکەن، ل ڤێرە ئەم دبێژین قاعیدەکا فقهی مە یا هەی (الحكم للأعم الأغلب) حۆکمێ تشتەکی (حەلال و حەرامییا وێ) ل دووڤ پڕانییێ یە، ئەگەر پڕانییا وی خەلکی یێن ئەنترنێتێ ب کار دئینن خەلکەکێ ژ خودێ نەترسن و شەهوەت بازن، بێگومان دێ ئەو کەسێ هێلا ئەنترنێتێ بەلاڤ دکەت و دفرۆشیت دێ یێ گونەهکار بیت. و ئەگەر پڕانی بۆ کارێن باش و خێرێ بکاربینیت، ئەو خودێ حەز بکەت چ ل سەر وی نینە. ئانکو حۆکمێ وێ ل دویف پڕانییێ دمینیت، کا ئەرێ پڕانی بۆ کارێن بازرگانی و باشی و خێری ب کار دئینیت یان بۆ کارێن شەهوەتێ و خرابییێ ب کار دئینیت.

ژ لایێ مامۆستایێ هێژا [عبداللطيف]یڤە هاتییە بەرسڤدان.

https://walamakan.com/282