پسيار :ماوەیەكی مژویلی فرۆتنا جگاران بووم، ئەرێ ئەو پارێ من كۆم كری حەلالە یان حەرامە؟ و سوپاس بۆ خۆدێ من ئەڤ كارە یێ هێلای.

بەرسڤ:

بسم الله الرحمن الرحیم

برایێ من تەوبەكرن تشتێ بەری خۆ ژێ دبەت، ئەگەر تە فرۆتنا جگاران یان هەر كارەكێ دی یێ حەرام کربیت و پاشی تە هێلات بیت سوپاسییا خودێ بكە ل سەر وێ چەندێ و ل سەر تەوبە كرنا خۆ یێ بەردەوام بە. سەبارەت وی مالی یێ كو ژ بەر وی ئەگەرێ تە پەیدا كری بەری تە پێزانین ل سەر حەرامییا جگارێ هەبن، هیڤیدارین چ گونەهـ ل سەر تە نەبن ژ وی پارێ تە خواری، بەلێ پا ئەوێ مای باشترە تۆ بكەیە خێر و د باشییێ دا بمەزێخی و ژیانا خۆ ل سەر تشتەكێ دی بڕێڤە ببەی. ئاها ئەو یا پێدڤییە و یا باش ئەوە بهێتە ئەنجامدان، چونكی تە مالێ خۆ یێ د ڕێكەكا نەشەرعی دا كۆم كری. ژبەر ڤێ چەندێ بابەتێ جگارێ ل دەڤ تە و گەلەك كەسێن دی یێ مەعلومە. تە یا گوهـ ل زانایان بووی كو جگارە یا حەرامە، بەلێ پا تە هەر كەمترخەمی یا كری. لەوما یا پێدڤییە ئەو پارێ تە ب جگارێ كۆم كری و نوكە بكەیە خێر و ئەگەر تو یێ پێدڤی بی و هەژار بی و تە نەزانی بیت حەرامە، ب تنێ د دەمێ تەوبەكرنێ دا نە بیت ئەم هیڤی خوازین چ ل سەرتە نە بیت، ب بەلگەیێ ڤێ ئایەتێ كو بەحسی ڕیبایێ دكەت: (فَمَنْ جَاءَهُ مَوْعِظَةٌ مِنْ رَبِّهِ فَانْتَهَى فَلَهُ مَا سَلَفَ وَأَمْرُهُ إِلَى اللَّهِ) [البقرة:275] .

ئانكو: ڤێجا هه‌چییێ حۆكمێ خودێ د ڕیبايێ دا گه‌هشتێ و وى خۆ ژێ دا پاش، ئه‌وا وى به‌رى حه‌رامبوونێ كرى بۆ وییه‌ و چو گونه‌هـ ل سه‌ر وى نينه‌ و كارێ وى ل ده‌مێ بێت خه‌ما خودێ یه‌، ئه‌گه‌ر ئه‌و ل سه‌ر تەوبا خۆ ما خودێ خێرا قه‌نجيكاران به‌رزه‌ ناكه‌ت. دێ دووبارە كەین ئەگەر ب تنێ ل دەمێ د تەوبەكرنێ دا تە زانی حەرامە. ئەم هیڤی خوازین چ گونەهـ ل سەر یا بۆری ل سەر تە نەهێتە نڤیسین، بەلێ پا ئەگەر وی پارەی دابەش بكەی و د ڕێكا باشی و خێرێ دا بدەی بۆ تە وەسان باشتر و چێترە. 

بەرسڤا زانایێ هێژا (عبدالعزیز بن عبدالله بن باز) رحمه الله.