بەرسڤ:

بسم الله الرحمان الرحیم

مەدح و سوپاسی بۆ خودایێ مەزن، سلاڤ ل سەر ڕوحا پێغەمبەرێ خودێ بن، ل سەر خێزان و کەسوکارێ و ئیماندار و هەڤال و دویکەفتییان بن. گەلەک خوارنا سویندا د کڕین و فرۆتنێ دا ڕێگرییا لێ هاتییە کرن و پێغەمبەرێ خودێ ﷺ گەلەک ب دژواری یێن ئاگەهدار کرین، هەر وەکی ژ ئەبو قەتادەیێ ئەنساری هاتی دبێژیت: گوهێ من ل پێغەمبەرێ خودێ بوو -ﷺ- کەرەم کر و گۆت: «إياكم وكثرة الحلف في البيع ، فإنه ينفق ثم يمحق» رواه مسلم .

ئانکو: ئاگەهدار بن گەلەک سویندا نەخون د کڕین و فرۆتنێ دا، ژبەر کو بێگومان ژبەر هندێ دهێتە فرۆتن، بەلێ پا پشتی هینگێ بەرەکەت نامینیتە تێدا. هەروەسا ژ ئەبو هورەیرەی یاهاتی - خودێ ژێ ڕازی بیت - کو پێغەمبەری ﷺ یا کەرەم کری : «الحلف منفقة للسلعة ، ممحقة للربح » رواه مسلم .

ئانکو: سویند خوارن دبیتە ئەگەرێ فرۆتنا کەلوپەلان و دبیتە ئەگەرێ نەهێلانا بەرەکەتێ. ئەڤجا سویند خوارن ئەگەر یا پێدڤی نە بیت یا باش نینە و مەکروهە و دبیتە ئەگەرێ دانا بهای ب کەلوپەلان و هندەک جاران کەسێ بکڕ شاش دبیت ژ ئەگەرێ سویندا، والله أعلم.

بەرسڤا: شێخ (محمد بن عبد الله السبيل) رحمه الله تعالى، إمام وخطيب المسجد الحرام ، وعضو هيئة كبار العلماء.