ڤەکرنا دوکانێ ل شەڤێن ڕەمەزانێ دروستە؟
پرسیار:
ئەم دبینین ل شەڤێن ڕەمەانێ دوکان ڤەکرینە و دبیتە ئەگەر مرۆڤ ل ڕوژێن ڕەمەزانێ بنڤیت، ئەرێ حۆکمێ ڤێ چەندێ چییە؟
بەرسڤ:
خودانێن دوکانان ل سەر پێدڤییە کو گوهداری و فەرمانێن خودێ بپارێزن و دگەل موسلمانان بەشدارییێ بکەن د خێر و عیبادەتان دا و هەمی دەمێ خۆ ب کڕین و فرۆتنێ ڤە نە بۆرینن و دوکانێن وان هەمی دەمان د ڤەکری بن، خودایێ مەزن دبێژیت: {يَا أَيُّهَا الَّذِينَ آمَنُوا لا تُلْهِكُمْ أَمْوَالُكُمْ وَلا أَوْلادُكُمْ عَن ذِكْرِ اللَّهِ وَمَن يَفْعَلْ ذَلِكَ فَأُوْلَئِكَ هُمُ الْخَاسِرُونَ} [سورة المنافقون: آية 9]
ئانکو: ئه‌ى ئه‌وێن باوه‌رى ب خودێ ئيناى و دویكه‌فتنا پێغه‌مبه‌رێ وى كرى و كار ب شریعه‌تێ وى كرى، بلا مالێ هه‌وه و عه‌يالێ هه‌وه ژ په‌رستنا خودێ و گوهدارییا وى مژویل نه‌كه‌ت و هه‌چییێ مال و عه‌يالێ وى، وى ژ وێ چه‌ندێ مژویل بكه‌ت، ئه‌و ئه‌ون يێن چ بار ژ دلۆڤانییا خودێ بۆ وان نه‌هه‌ى.
و هەروەسا دبێژیت: {رجال لا تُلْهِيهِمْ تِجَارَةٌ وَلا بَيْعٌ عَن ذِكْرِ اللَّهِ وَإِقَامِ الصَّلاةِ وَإِيتَاء الزَّكَاةِ يَخَافُونَ يَوْمًا تَتَقَلَّبُ فِيهِ الْقُلُوبُ وَالأَبْصَارُ} [سورة النور: آية 37]
ئانکو: هنده‌ك زه‌لامن نه بازرگانى و نه كڕين و فرۆتن وان ژ زكرێ خودێ و كرنا نڤێژێ و دانا زه‌كاتێ بۆ پێدڤییان مژویل ناكه‌ت، ئه‌و ژ ڕوژا قيامه‌تێ دترسن يا كو دل تێدا د ناڤبه‌را هيڤى و ترسێ دا دئێنه وه‌رگێڕان و چاڤ ژى تێدا دئێنه وه‌رگێڕان به‌رێ وان دمينته ل هندێ كانێ دێ چ ب سه‌رى هێت؟ و ئەگەر هەمی دەمان دوکانێن هەوە د ڤەکری بن دێ خەلک شەڤبێرییان کەن و پیاسا کەن و دێ هاتنوچوون د ناڤبەرا ژنان دا هەبیت و دێ تووشی گونەهان بن، لەوما بلا دوکاندار دەمێن دوکانێن وان د دەستنیشانکری بن و بلا د گەل وان دەمان نەبن یێن عیبادەت تێدا دهێتە کرن، دا کو نەبیتە ئەگەرەک بۆ فتنان و دەمێن خۆ یین زێڕین ژ دەست بدەن.
الشيخ (صالح بن فوزان بن عبدالله الفوزان) عضواللجنة الدائمة للإفتاء وعضو هيئة كبار العلماء.
عربة الشراء