پرسیار:

هندەک جاران گوشتێ گیانەوەرێن سەربری ژ گۆشت فروشا (قصاب) دکرین، بەلێ نزانین کا نڤێژا دکەت یان نە، مە گەلەک گومان ل سەر هندێ یێن هەین کو نڤێژا ناکەن، ژبەر کو ل وان مزگەفتێن نێزیک نابینین، د گەل هندێ ژی دەمێ پرسیارێ ژێ دکەین کی ڤان گیانەوەران سەر ژێ دکەتن، دبێژن ئەم، ئەڤجا دورستە گوشتی ژێ بکڕین د گەل هندێ کو مە گومان یێن ل سەر هەین نڤێژا ناکەن؟

بەرسڤ:

ئەو گوشتی د بازارێن موسلمانان دا دهێتە فرۆتن یێن گیانەوەرێن سەربڕییە و د ئەسل دا هوسا دیارە کو یێ حەلالە، ژبەر هندێ یا دورست نینە پرسیار دەربارەیی هندێ بهێنە کرن هەتا ب تەمامی ڕۆهن نەبیت و دەرنەکەڤیت کو بێ ڕێکێن شەرعی یێ هاتییە سەربڕین، ژبەر هندێ دەمێ پرسیار ژ پێغەمبەرێ خودێ ﷺ هاتییە کرن ل سەر وان کەسێن ژ نوو موسلمان بووین و گۆشتی دئیننە بازاڕێن موسلمانان و نزانن کا (بسم الله) هاتییە گۆتن ل دەمێ سەربڕینێ یان نە، کەرەم کر و گۆت: هوون بێژن بسم لله و بخون. رواه الإمام البخاري في ‏"‏صحيحه‏"‏ ‏(‏6/226‏)‏ من حديث عائشة رضي الله عنها‌‏]‏ ژبەر هندێ چ گومان ل سەر حەرامییا گوشتی، هەروەسا دەربارەیی وان سەربران یێن کێمتەرخەمییێ دکەن د نڤێژێن ب کۆم (جەماعەت) دا هندێ نا گەهینیت و سەربڕینا وان یا حەرامە، ژبەر کو نە کرنا نڤێژا ب کۆم (جەماعەت) ئەگەر یا حەرام بیت ژی بەلێ مرۆڤ پێ ژ دینی نادەرکەڤیت و پێ کافر ژی نابیت. 

الشيخ صالح بن فوزان بن عبدالله الفوزان عضو اللجنة الدائمة للإفتاء وعضو هيئة كبار العلماء