بەرسڤ:

‏بسم الله الرحمن الرحیم

مەدحە و سوپاسی بۆ خودایێ مەزن، سلاڤ ل سەر ڕوحا پێغەمبەرێ خودێ بن، ل سەر خێزان و کەسوکارێ و ئیماندار و هەڤال و دویکەفتییان بن. دەربارەیی ڤەگەڕاندن و پەشێمان بوونا ژ وان تشتێن تە کڕین ئەگەر خودانێ دوکانێ ڤەگەڕینیت یان ئەو کەسێ تە تشت ژێ کڕی ژ تە وەرگریت و قەبویل بکەت، دێ خودایێ مەزن ل ڕۆژا دووماهییێ خەلات کەت و ژ هلنگفتن و ئاستەنگان خلاس کەت و ژ ڕێکا وی لادەت، ب بەلگێ ڤێ فەرموودێ کو پێغەمبەر ـ سلاڤ ل سەر بن ـ دبێژیت: عَنْ أَبِي شُرَيْحٍ (رضي الله عنه) قَالَ : قَالَ رَسُولُ اللَّهِ (ﷺ) : ((مَنْ أَقَالَ أَخَاهُ بَيْعَاً أَقَالَ اللَّهُ عَثْرَتَهُ يَوْمَ الْقِيَامَةِ)) سلسلة الأحاديث الصحيحة رقم: (2614) وصحيح الترغيب والترهيب رقم: (1759).

ئانکو: هه‌ر كه‌سەکێ په‌شێمان بوونا برایێ خۆ یێ موسلمان د کڕین و فرۆتنا و معاملێ دا قەبویل بکەت، دێ خودایێ مەزن ل ڕوژا دووماهییێ خەلات کەت و ژ هلنگفتن و ئاستەنگان خلاس کەت و ژ ڕێکا وی لادەت. ئەڤ فەرموودەیە مزگینییەکا مەزنە بۆ خودانێن دوکانان و خودانێن کاران کو ئەگەر تشتەک فروت و پاشی بکڕ پەشێمان بوو ب دلخۆشی ڤە ژێ وەرگرە و دلێ وی نەهێلە و بیرا خۆ ل ڤێ فەرموودێ بینە و چاڤەڕێی خەلاتێ خودایێ مەزن بە.

ستافێ بەرسڤدانێ.

https://walamakan.com/801