بەرسڤ:

ئەو جلڪێن تەنگ یێن ڪو لەشێ ژنێ تێدا دیار دڪەن ناچێبیت بڪەتە بەرخۆ، و جلڪێ تەنگ نە دروستە نە بۆ زەلامی و نە بۆ ژنێ، بەلێ بۆ ژنێ پتر چونڪی پتر فتنە ب وان چێدبیت. و ئەگەر نڤێژێ پێڤە بڪەت و چ ژ عەورەتێ وان دیار نەڪەت نڤێژ یا دروستە مادەم عەورەت هاتییە ستارەڪرن، بەلێ دێ گونەهڪار بیت یێ نڤێژێ ب جلڪەڪێ تەنگ ڤە بڪەت چونڪی دبیت تشتەڪی ژ نڤێژێ دروست نەڪەت ب ئەگەرێ تەنگییا جلڪی، ئەڤە ژ لایەڪی و ژ لایەڪێ دی دبیت سەری بڪێشتە فتنێ و چاڤا بڪێشتە خۆ و ب تایبەت ژن. ڤێجا واجبە ل سەر وێ ئەو جلڪەڪێ فرەهــ ل بەر خۆ بڪەت ڪو وێ ستارە بڪەت، و چ ژ لەشێ وێ دیار نەڪەت، و چاڤا نەڪێشتە خۆ، و نە جلڪەڪێ (شەفاف) بیت، بەلڪو دڤێت جلڪەڪێ ب ستارە بیت لەشێ وێ هەمییێ ستارە بڪەت، و نە یێ ڪورت بیت پێن وێ دیار بڪەن، یان رانێن وێ یان دەستێن وێ، و نابیت ناڤچاڤێن وێ دیار بڪەن ل دەف زەلامێن بیانی، بەلڪو هنگێ دێ لەشێ خۆ هەمیێ ستارە ڪەت. پێغەمبەرێ خودێ ﷺ د حەدیسەڪا صەحیح دا دبێژیت: (صنفان من أهل النار لم ارهما: رجال معهم سیاط ڪأذناب البقر یضربون به الناس، ونساء ڪاسیات عاریات مائلات مملات رؤوسهن ڪأسنمة البخت لا یجدن رائحة الجنة).

ڤێجا ڕامانا (ڪاسیات): ئانڪو وان تشتەڪ ژ جلڪی یێ ڪرییێ بەلێ ئەو بخۆ د بێ جلڪن، چونڪی وی جلڪی ئەو ستارە نەڪرییە، ڤێجا هەما ب تنێ ناڤ جلڪە، بەلێ لەشێ وێ ستارە نەڪرییە، ڤێجا یان ژبەر تەنڪیی (شەفافییا) وان یان ژبەر ڪورتییا وان یان ژبەر تەنگییا وان. ڤێجا واجبە ل سەر ژنێن موسلمان هشیاری ڤی تشتی بن.

فتاوی المرأة المسلمة (٢١٦_٢١٨ / ١)/ الشیخ صالح الفوزان -حفظه الله-.

#فتاوى_المرأة_المسلمة