پرسیار:

ئەرێ وەرگرتنا وی پارەی یا دورستە کو کەسەک دێ چیتە پێشانگەها کڕین و فرۆتنا ترۆمبێلان و چەند کەسەک ل وێ پێشانگەهێ دێ ترۆمبێلەکێ بۆ کڕن ئەو ژی ل بەرانبەر هندەک پارا دەتە وان کەسان، ئەڤ چەندە دورستە؟

بەرسڤ:

بسم الله الرحمن الرحیم

مەدحە و سوپاسی بۆ خودایێ مەزن، سلاڤ ل سەر ڕوحا پێغەمبەرێ خودێ بن، ل سەر خێزان و کەسوکارێ و ئیماندار و هەڤال و دویفکەتییان بن. ئەگەر ئەو کەسە د باش و دەستپاقژ بن و ب دلسۆزی لێ بگەڕن و ترۆمبێلەکێ بۆ تە بکڕن، ل وی دەمی دورستە، چونکی ل بەرانبەر وێ وەستانێ ترۆمبێلەکێ دێ بۆ تە کڕن و دورستە تشتەکی بدەیێ، بۆ نموونە، تۆ

دێ بێژییە کەسەکی تۆ یێ شارەزای د کڕین و فروتنا ترۆمبێلان دا، بۆ من ڤێ ترۆمبێلێ بفرۆشە یان بکڕە، هوسا دورستە، بەلێ پا خۆ بکەنە وەکیلێ بکڕ و فرۆشیاری دا کو کڕین و فرۆتن پێک بهێت و تشتەک ژ هەردە لایانڤە بگەهیتە وی و بێ کو گرنگییێ بدەتە وێ چەندێ کو ئەو ترۆمبێلە یا ژ هەژی وی کەسییە یان نە، یان هەژی وی بهایە یان نە، بێگومان ئەو کارەکێ خرابە و گونەهە و خیانەتە و نابیت بکڕیت، بۆ نموونە، ئەو کابرایە د گەل هەردو لایان ڕێک بکەڤیت، ل لایەکی بێژیتە خودانێ ترۆمبێلێ تە خەم نەبیت دێ بۆ تە ب بهایەکێ باش فرۆشم و ل لایەکێ دی بێژیتە بکڕی تە خەم نەبیت دێ بۆ تە ترۆمبێلەکا باش کڕم و ژ هەردو لایان پارەی وەربگریت، ئەڤ چەندە گونەهە و یا حەرامە.

ژ لایێ مامۆستایێ هێژا [عبداللطيف]یڤە یا هاتییە بەرسڤدان.

https://walamakan.com/284