بەرسڤ:

کڕین و فرۆتنا زێڕ و زیڤی ب دەین حەرامە و دێ بیتە ڕیبا، ژبەر هندێ دڤێت زێڕنگر هەمی پارەی ب تەمامی ژ بکڕی وەربگریت، ئەگەر نە، کڕین و فرۆتنا وان دێ بیتە ڕیبا، هەر وەسان کڕین و فرۆتنا زێڕنگری د گەل بازرگانان دڤێت ب نەقدی بیت نە ب دەینی.

و ئەگەر ژنەکێ ڤیا زێڕێن خۆ یێن کەڤن بگوهۆڕت ب هندەکێن نوو دڤێتن گوهۆڕین بەرانبەر یەک و یەکسان بیت و دەست بۆ دەستی بت نە بدەین، ئەگەر نە، ئەڤ گوهۆڕینە ژی دێ بیتە ڕیبا.

ڤێجا دا کو نەکەڤییە د ناڤ ڕیبایێدا دڤێت زێڕێن کەڤن یێن ب کارهاتی ل دەڤ دوکانەکێ بفرۆشی و پارێ وێ نەقد وەەبگری، ڤێجا ئەگەر حەز هەبوو ژ نوو زێڕێن نوو بکڕیت دێ چیتە دوکانەکا دی زێڕێن نوو بکڕیت ب پارە دەست بۆ دەستی.

چونکی پێغەمبەرێ خودێ سلاڤ لێ بن دبێژت:(لاَ تَبِيعُوا الذَّهَبَ بِالذَّهَبِ إِلاَّ مِثْلاً بِمِثْلٍ ، وَلاَ تُشِفُّوا بَعْضَهَا عَلَى بَعْضٍ ... ، وَلاَ تَبِيعُوا مِنْهَا غَائِبًا بِنَاجِزٍ)) صحيح البخاري رقم : (2177) ، وصحيح مسلـم رقم : (1584). ئانکو: زێڕی نەدەنە ب زێری ئیللا وەکهەڤ نەبن و بلا یێ ئێک ژ هەوە ژ یێ دی زێدەتر نەبت و یێ ئامادە نەبی نەفرۆشن ب یێ ئامادە، ئانکو بلا دەست بۆ دەستی بیت و بدەین نەبیت.

قال الـحافظ ابن حجر: (قَوْلُهُ : "الذَّهَبُ بِالذَّهَبِ" : يَدْخُلُ فِي الذَّهَبِ جَمِيع أَصْنَافِهِ مِنْ مَضْرُوبٍ وَمَنْقُوشٍ ، وَجَيِّدٍ وَرَدِيءٍ ، وَصَحِيحٍ وَمُكَسَّرٍ ، وَحُلِيٍّ وَتِبْر ، وَخَالِص وَمَغْشُوش ، وَنَقَلَ النَّوَوِيّ تَبَعَاً لِغَيْرِهِ فِي ذَلِكَ الْإِجْمَاعَ) فتح الباري : (4 / 480).

ئانکو: زێڕ بەرانبەر زێڕی: هەمی جۆرە زێرەکی ڤەدگریت: ژ زێڕی کڕییە پارە و باش و خراب، دورست و نەدورست. ئەڤە ژی ب ئێکدەنگییا زانایانە وەکی (نەوەوی) بەحس کری. و قال الشيخ محمد بن إبراهيم وابن باز وابن العثيمين وصالـح الفوزان : (بيع الذهب بـهذه الأوراق النقدية لا يصح إلا بشرط الـحلول والقبض) . ئانکو: فرۆتنا زێڕی بەرانبەر زێڕی ب پارەیێ کاغەزی د ڤی سەردەمی دا دورست نینە ئیێلا ب مەرجێ دەست بۆ دەستی نەبیت د هەمان مەجلس و جهێ کڕین و فرۆتن و گوهۆڕینێ دا.

هاتییە بەرسڤ دان ژلایێ مامۆستا (محمد عبدالرحمن).

https://walamakan.com/1559