بەرسڤ:

ڤەگوهاستنا قەری: ئانک: (نَـقْلُ الدَّيْنِ مِنْ ذِمَّـةٍ إِلَـى ذِمَّـةٍ) ڤەگوهاستنا قەرێ ل سەر ملێ کەسەکی بۆ سەر ملێ کەسەکێ دیتر. فتح الباري : (4 / 585).

ئەگەر تە قەرەک ل دەڤ کەسەکی هەبوو، وی ژی قەرەک ل دەڤ کەسەکێ دیتر هەبوو، ل دەمێ تو داخوازا قەرێ خۆ ژ قەردارێ خۆ دکەی، ئەو بێژیت هەڕە قەرێ خۆ ل دەڤ (فلان کەس)ی وەربگرە، 

چونکی من ژی قەر یێ ل دەڤ وی هەی و ئەو قەردارێ منە، ل وی دەمی ئەگەر (فلان کەس) کەسەکێ پێ چێبووی و خودان شیان بوو و کەسەکێ حەرامخور و بەرزەکەرێ قەری نەبوو، دڤێت بچی داخوازا قەرێ خۆ ل وی (فلان کەس)ی بکەی، چونکی دێ ئەو قەر هێتە ڤەگوهاستن بۆ نک وی.

عَنْ أَبِي هُرَيْرَةَ رضي الله عنه أَنَّ رَسُولَ اللَّهِ ﷺ قَالَ: (مَطْلُ الْغَنِيِّ ظُلْمٌ ، فَإِذَا أُتْبِعَ أَحَدُكُمْ عَلَى مَلِيٍّ فَلْيَتْبَعْ) صحيح البخاري رقم : (2287) وصحيح مسلم رقم : (1564).

ئانکۆ: گیرۆکرنا زڤڕاندنا قەری ژ لایێ کەسەکی کو بشێت قەری بزڤڕینیت و کەسەکێ پێ چێبووی بیت، ستەم و زولمە، و ئەگەر قەرێ ئێک ژ هەوە هاتە ڤەگوهاستن بۆ سەر ملێ کەسەکێ پێ چێبووی و خودان شیان، بلا قەرێ خۆ ل سەر قەردارێ خۆ ڤەگوهێزیت بۆ سەر ملێ (فلان کەس)ی.

بۆ پێزانینێن زێدەتر پەرتووکا: (حوكم و ئادابەكانى قەرزدان و قەرزكردن و قەرزدانەوە لە ژێر تیشكى ئایەتە پیرۆزەكانى قورئان و فەرموودە صەحیحەكان دا) ژ نڤیسینا (مامۆستا محمد عبدالرحمن) بخوینە.

https://walamakan.com/1085