پرسیار:

مامۆستایێ هێژا ئەم یێ ژ دەرڤەیی وەلاتی ل ڤی وەلاتی هەمی خۆ تەئمین دکەن (تأمين حياة) هەمی هەیڤان پارەی ددەینە وێ بەنکێ، ئەگەر تشتەک ل مە قەومی دێ ئەو هاریکارییا مە کەن، بەلێ نزانم بۆ ڤێ چەندێ پارە یێ حەرامە؟ سالا بۆری زارۆکێ من سۆت و گەلەک جهێن وی تێکچوون و سەقەت بوو، ئەگەر وی پارەی ژ وان وەربگرم بۆ تەجمیلکرنا زارۆکێ خۆ، ئەرێ ئەو پارە ب هەمان ڕەنگ یێ حەرامە؟ خودایێ مەزن هاریکارێ هەمی موسلمانان بیت، د گەل هەوە ژی.

بەرسڤ:

بابەتێ تەئمینێ د فقهێ ئیسلامێ دا پێکدهێت ژ گرێبەستەکێ د ناڤبەرا بیمەدار (مؤمَّن)ی و د گەل بیمەکەر(مؤمَّن له)یدا، کو پێکهاتییە ژ وی کەسێ بیمێ ب فایدێ ب مەرج هاتییە کرن کو بڕەکا پارەی یان مووچەیی یان مال و ملکەکی ل بەرانبەر ددەت ل دەمێ ڕویدانێ دا یان ل دەمێ ترسێ دا کو د گرێبەستا وان دا هاتییە ڕۆهن کرن ل دووڤ قستێ لایەنێ ئێکێ ددەتە لایەنێ دوو، ڤێجا وێ ژی بزانە (بیمە) گەلەک جۆر یێن هەین، وەکی: بیما بازرگانی و تەندروستی و کەسوکی و ژیان و جڤاکی....هتد.

ڤێجا زانایێن سەردەم پشتی دووڤچوون و شرۆڤەکرنەکا مەزن، ئەڤە ب حەرام یێ دانای، چونکی زێدەخوارن یا تێدا و کێم و زۆری یا تێدا قومار و نەزانینی یا تێدا، ڤێجا یا پێدڤییە موسلمان خۆ ژ ڤی کاری دوور بئێخیت.

مامۆستا (خلیل أحمد).

https://walamakan.com/869