بەرسڤ:

خودایێ مەزن هەمی کەسا خوشحال بکەت ئەم ژی داخوازا سەر کەفتنێ بۆتە ژ خودایێ مەزن د خوازین.

چوون بۆ دەف هەڤژینا خۆ ژ لایێ پشتێ ڤە گونەهەکا مەزنە و ب کوفرا بچویك یا دانای وەکی پێغەمبەرێ خودێ ﷺ دبێژیت: "من أتى حائضاًأو امراةً في دبرها، فقد كفر بما أنزل على محمد" کو فەرموودەکا صەحیحە ڤێجا پێدڤییە مروڤێ موسلمان خۆ ژێ بپارێزیت و یێ زال بیت ل سەر حەزێن خۆ و سنورێن خودایێ مەزن دەربازنەکەت خودایێ مەزن دبێژیت: {فَأۡتُوهُنَّ مِنۡ حَيۡثُ أَمَرَكُمُ ٱللَّهُۚ إِنَّ ٱللَّهَ يُحِبُّ ٱلتَّوَّٰبِينَ وَيُحِبُّ ٱلۡمُتَطَهِّرِينَ}

ڕامان: هوين ژ وى جهى وه‌رنێ يێ خودێ ئه‌مر پێ ل هه‌وه‌ كرى چاوا هه‌وه‌ بڤێت. هندى خودێیه‌‌ حه‌ز ژ وان به‌نییان دكه‌ت يێن گه‌له‌ك تۆبه‌ دكه‌ن، وحه‌ز ژ وان دكه‌ت يێن خۆ پاقژ دكه‌ن وخۆ ژ تشتێ پيس وكرێت دده‌نه‌ پاش.

ڤێجا ئەگەر کەسەکێ ئەو کارە کر و ژ جهێ "دەستئاڤا ستویر" چوو دەف هەڤژینا خۆ و نەزانی خودایێ مەزن ئەم یێ ژێ داینە پاش، بەلکی خودایێ مەزن گونەها وی بۆ ژێببەت چونکی ئەو تشتێ ب خەلەتی ڤە دهێتەکرن قەلەم یێ ل سەر راکرییە وەکی پێغەمبەرێ خودێ ﷺ گوتی: "إنَّ اللَّهَ تجاوزَ عن أمَّتيَ الخطأَ والنِّسيانَ ومَا استُكرِهُوا عليه" [رواه ابن ماجه و صحيح الألباني].

ئانکو: خودایێ مەزن گونەهێن ئوممەتا من ژێبرن یێن ب خەلەتیڤە کرین یان بێ دەستی یان یێ ژبیرکرین یان یێن ب زوری لێ هاتینە کرن. 

و سەبارەت کو تەلاق لێ بکەڤیت چ تشت سەر هندێ نەهاتینە و تەلاق لێ ناکەڤیت.

ژێدەر: پەرتووکا وەڵامی ڕاست و دروست بۆ ژن و مێردی خوا پەرست - ژ بەرهەمێن سایتێ بەهەشت

(مامۆستا خلیل أحمد)