ئەرێ ئیسلام ب چ رەنگ بەرێ خۆ ددەتە وی زەلامی یێ هەڤژین هەیی و زنایێ دکەت دگەل ئافرەتەکا دی؟
بەرسڤ:
ئیسلام ڤان جورێن زەلاما ب زەلامێن تاوانبار و فاسق و خیانەتکار بەرێ خۆ ددەتێ، تاوانبار و فاسقە چونکی ئێك ژ تاوانێن مەزن یێ کری، خودایێ مەزن د قورئانێ دا گوتییە: {وَلَا تَقۡرَبُوا۟ ٱلزِّنَىٰۤۖ إِنَّهُۥ كَانَ فَـٰحِشَةࣰ وَسَاۤءَ سَبِیلࣰا} [الإسراء: ۳۱]
ڕامان: و هوين خۆ نێزيكى زنايێ و ده‌سپێكێن وێ نه‌كه‌ن؛ دا هوين تووش نه بنێ، هندى ئه‌وه ئه‌و كاره‌كێ زێده كرێته، و ڕێكا وێ ڕێكه‌كا پيس بوويه.
هەروەسا خودایێ مەزن گوتییە: {وَٱلَّذِینَ لَا یَدۡعُونَ مَعَ ٱللَّهِ إِلَـٰهًا ءَاخَرَ وَلَا یَقۡتُلُونَ ٱلنَّفۡسَ ٱلَّتِی حَرَّمَ ٱللَّهُ إِلَّا بِٱلۡحَقِّ وَلَا یَزۡنُونَۚ وَمَن یَفۡعَلۡ ذَ ٰلِكَ یَلۡقَ أَثَامࣰا (٦٨) یُضَـٰعَفۡ لَهُ ٱلۡعَذَابُ یَوۡمَ ٱلۡقِیَـٰمَةِ وَیَخۡلُدۡ فِیهِۦ مُهَانًا (٦٩) إِلَّا مَن تَابَ وَءَامَنَ وَعَمِلَ عَمَلࣰا صَـٰلِحࣰا فَأُو۟لَـٰۤئِكَ یُبَدِّلُ ٱللَّهُ سَیِّءَاتِهِمۡ حَسَنَـٰتࣲۗ وَكَانَ ٱللَّهُ غَفُورࣰا رَّحِیمࣰا}
ڕامان: و ئه‌ون يێن ته‌وحيدا خودێ دكه‌ن، وژبلی وى دوعايان ژ كه‌سێ دى ناكه‌ن وپه‌رستنا كه‌سێ ژى ناكه‌ن، ووێ نه‌فسێ ناكوژن يا خودێ كوشتنا وێ حه‌رامكرى، وه‌سا تێ نه‌بت ئه‌و وى تشتى بكه‌ت كو خۆ پێ هێژاى كوشتنێ بكه‌ت وه‌كى: كافرییا پشتى باوه‌رى ئينانێ، يان زناكرنا پشتى ژن ئينانێ، يان كوشتنا نه‌فسه‌كا بێ گونه‌هـ، وئه‌و زنايێ ناكه‌ن، به‌لكى نامويسا خۆ دپارێزن، وه‌سا نه بت د گه‌ل حه‌لالێن خۆ ژ ژن و جارییان، و هه‌چییێ تشته‌كى ژ ڤان گونه‌هێن مه‌زن بكه‌ت ل ئاخره‌تێ دێ گه‌هیته جزايێ خۆ ڕۆژا قيامه‌تێ عه‌زاب دێ بۆ وى دوقات بیت، و ئــه‌و ڕه‌زيـــل و بـــێ بـهـا دێ مينته تـێــدا (وگــه‌فــا ب هــه‌رمانا د جه‌هنه‌مێ دا بۆ وییه یێ گونه‌هـ هه‌مى كرین یان شرك ب خودێ كرى) به‌لێ هه‌چییێ ژ ڤان گونه‌هان تەوبه بكه‌ت تەوبه‌یەكا دروست و باوه‌رییێ بينت باوه‌رییه‌كا ڕاست و كارێ چاك د گه‌ل دا بكه‌ت، ئه‌وان خودێ گونه‌هێن وان دێ ژێ به‌ت و ل شوينێ خێران دێ ده‌ته وان؛ ژ به‌ر تەوبه‌كرن و په‌شێمانییا وان. و خودێ باش گونه‌هـ ژێبر بوويه بۆ وى يێ تەوبه بكه‌ت، ويێ دلۆڤانكار بوويه ب به‌نییێن خۆ كو به‌رێ وان دايه تەوبه كرنێ پشتى وان ئاشكه‌را بێ ئه‌مرییا وى كرى.
و یێ زینایێ بکەت ئەو خیانەتکارە ل خۆ و ل هەڤژینا خۆ چونکی شەهوەتا خۆ د حەلالی دا نە ڤەمراندییە دگەل هەڤژینا خۆ بەلکو دگەل ئافرەتەکا دی دا ب حەڕامی ئەو کارە یێ ئەنجام دای، ئەڤەژی خیانەتە ل هەڤژینا خۆ کری. و ڤان جورێ زەلامان (کو ژن ژی یا هەی و دهەمان دەم دا زنایێ دکەن دگەل ئافرەتەکا دی) ئەگەر ئەڤ کارە ل سەر هاتە سەلماندن و ئاشکەرا بوو هنگی دڤێت بهێتە بەربارانکرن (ڕەجم) هەتا دمریت.
ئیمام عومەر ڕازی بونا خودێ لێ بیت گوتییە: "الرَّجْم حَقٌّ علَى مَن زَنَى إذَا أَحْصَنَ مِنَ الرِّجَالِ وَالنِّسَاءِ، إذَا قَامَتِ به البَيِّنَةُ، أَوْ كانَ الحَبَلُ، أَوِ الاعْتِرَافُ،وقد قرأتها: "الشيخ و الشيخة أذا زنيا فارجموهما البتة نكالا من الله و الله عزيز حكيم" [متفق عليه] .
ڕامان: بەرباران کرن (ڕەجم) حەقە و یا پێدڤییە ل سەر کەسەکی کو زینا کربیت ئەگەر ژ وان زەلاما بیت کو هەڤژین هەی و ژ وان ژنان بیت کو هەڤژین هەی ئەگەر بەلگە (چوار شاهد) یان دوگیانی یان دانپێدان هەبوو ل سەر، و من یاخواندی: زەلامێ ب ژن و ژنا ب زەلام ئەگەر زینا کر هنگی بەرباران بکەن (ڕەجم) ب ئێکجاری وەکی سزایەکی ژ دەف خودێ، خودێ ژی یێ ب دەستهەلات و دانایە.
ئەڤەیە هەلویستێ ئیسلامێ سەبارەت وان زەلامێن هەڤژین هەی ئەگەر زینایێ و دەهمەن پیسیێ بکەن: تاوانبار و فاسق و خیانەتکارە و پێدڤییە بهێتە بەربارانکرن (ڕەجم).
ژێدەر: پەرتووکا وەڵامی ڕاست و دروست بۆ ژن و مێردی خوا پەرست - ژ بەرهەمێن سایتێ بەهەشت
(مامۆستا محمد عبدالرحمان)
عربة الشراء