بەرسڤ: د ڤی بابەتی دا چەندین بوچونێن ژێك جودا یێن هەین و پترییا زانایا دبێژن ئەگەر ئافرەت ژ خوینا بێ نڤێژییا پاقژ بوو پێدڤییە سەرێ خۆ بشوت شنی دروستە بۆ هەڤژینێ وێ بچیتە نڤینا وێ ڤێ ئایەتێ ژی دکەنە بەڵگە دەمێ خودایێ مەزن دبێژیت: {وَیَسۡـَٔلُونَكَ عَنِ ٱلۡمَحِیضِۖ قُلۡ هُوَ أَذࣰى فَٱعۡتَزِلُوا۟ ٱلنِّسَاۤءَ فِی ٱلۡمَحِیضِ وَلَا تَقۡرَبُوهُنَّ حَتَّىٰ یَطۡهُرۡنَۖ فَإِذَا تَطَهَّرۡنَ فَأۡتُوهُنَّ مِنۡ حَیۡثُ أَمَرَكُمُ ٱللَّهُۚ} ئانكو: و ئه‌و پسيارا بێ نڤێژییا ژنێ ژ ته‌ دكه‌ن، تۆ بێژه‌ وان: ئه‌و ئێشانه‌كا پيسه‌ زيانێ دگه‌هينته‌ وى يێ خۆ نێزيك بكه‌ت، ڤێجا هوين ل ڤى ده‌مى خۆ ژ چوونا نڤينێ بده‌نه‌ پاش، حه‌تا ئه‌و ژڤان ب دوماهى بهێت، ڤێجا ئه‌گه‌ر ب دوماهى هات و وان خۆ شويشت، هوين ژ وى جهى وه‌رنێ يێ خودێ ئه‌مر پێ ل هه‌وه‌ كرى چاوا هه‌وه‌ بڤێت.

دبێژن (فَإِذَا تَطَهَّرۡنَ) دەمێ پاقژبوون ئانکو: ب ئاڤێ ئەڤ زانایە ژی وەکی مالك و شافعی و طبری، بەلێ پا مجاهد و عکرمە و طاوس دبێژن بتنێ ب نەمانا خوینێ بۆ زەڵامی دروستە بچیتە دەف والله أعلم.


ژێدەر: پەرتووکا وەڵامی ڕاست و دروست بۆ ژن و مێردی خوا پەرست - ژ بەرهەمێن سایتێ بەهەشت.
(ماموستا خلیل أحمد)