بەرسڤ: ئەگەر کەسەکی گوتە هەڤژینا خۆ تۆ ڤی کاری بکەی تەلاقێن تە بکەڤن یان سێ جار دووبارە بکەی سێ تەلاقن تە بکەڤن، ئەگەر هەڤژینا وی ئەو کارە نەکر چ ل سەر وێ نینە بەلێ پا ئەگەر هەڤژیناوی ئەڤ ئاخفتنە شکاند و ئەو کارە کر ل ڤی دەمی دبێژنە ڤێ تەلاقێ (تعلیق) ئانکو گرێدای ئەڤ جورە ژی دبیتە دوو پشك:

ئێك: ئەگەر ئنییەتا وی تەلاق دان بیت ئانکۆ وەکی سویندەکێ سەرەدەرییێ دگەل نەکەت دبێژنێ (التعلیق الشرطي) ل وی دەمی بتنێ دێ تەلاقەکا وی کەڤیت خۆ ئەگەر وی چەند گوت بن.

دوو: بەلێ پا ئەگەر ئنییەتا وی تەلاقدان نەبیت هەما بتنێ وەکی سویندەکێ بخوت چەوا کەسەك بێژیت سویند ب خودێ ئەگەر تو ڤی تشتی بکەی یان دووبارە بکەیی ڤێجا ڤێ دبێژنێ (التعلیق القسمي) بووچونا پەسەند ئەڤەیە کو تەلاق ناکەڤیت ڤێجا ئەگەر ل دەمەکێ دی وی کاری بکەت وەکی تە گوتی دەهـ ساڵێن دی ئەڤ پارچا پرسیارێ حوکمێ وێ ئەوە دزڤریت بۆ مەرەما زەڵامی ب وی تشتێ تەلاق ل سەر خواری و لێبورینا وی هەر چەوابیت إن شاءالله تەلاق ناکەڤیت چونکی مانا دەهـ ساڵا پشتی سویندێ بەڵگەیەکێ ب هێزە کو ئەو ژن و زەڵامە یێن شیاین پێکڤە بژین ئنییەتا ژێکجودابونێ نینە


ژێدەر: پەرتووکا وەڵامی ڕاست و دروست بۆ ژن و مێردی خوا پەرست - ژ بەرهەمێن سایتێ بەهەشت.
(ماموستا خلیل أحمد)