بەرسڤ: بۆ زاڕوکبوونێ هەتا نوکە من چ دوعایێن تایبەت نەدیتینە کو پێغەمبەرێ خودێ ﷺ ئەم پاڵدابین بۆ کرنا وان بەلێ پا دروستە هەر دوعایەکێ ب زمانێ خۆ و ب وێ یا دلێ تە پێخوش بیت بکەی ئەگەر  تە دڤێت چاڤ ل پێغەمبەرا و پێشینێن خۆ بکەی و یا باشتر ئەوە تۆ دوعایا زەکەریا پێغەمبەری بکەی ئەوا د سورەتا ال عمران دا دەمێ گوتی: {رَبِّ هَبۡ لِی مِن لَّدُنكَ ذُرِّیَّةࣰ طَیِّبَةًۖ إِنَّكَ سَمِیعُ ٱلدُّعَاۤءِ} [ آل عمران: ٣٨]
ڕامان: ئه‌ى خودايێ من تو ژ نك خۆ كوڕه‌كێ چاك و پيرۆز بده‌ من، هندى تويى ته‌ گوهـ ل وى دبت يێ دوعايێ ژ ته‌ دكه‌ت.

هەروەسا دسورەتا الأنبیاء دا: {رَبِّ لَا تَذَرۡنِی فَرۡدࣰا وَأَنتَ خَیۡرُ ٱلۡوَ ٰ⁠رِثِینَ} [ الأنبياء: ٨٩]
ڕامان: خودايێ من تۆ من نه‌هێله‌ ئێكانه‌ و بێ دوونده‌هـ، تۆ ميراتگره‌كى بده‌ من كو پشتى من د ناڤ مرۆڤان دا ب كارێ دينى ڕاببت، و تۆ چێترينێ وانى يێن دمينن، و تۆ چێترينێ وانى يێن ب باشى ميراتگرییا من دكه‌ن.


ژێدەر: پەرتووکا وەڵامی ڕاست و دروست بۆ ژن و مێردی خوا پەرست - ژ بەرهەمێن سایتێ بەهەشت.
(ماموستا خلیل أحمد)