بەرسڤ: ل دەستپێکێ دڤێت تۆ بزانی کو دەرئێخستنا پارەیی و خودانکرن ئەرکێ سەر ملێ زەڵامی یە نە یێ ئافرەتێ، چونکی خودایێ مەزن دبێژیت: {ٱلرِّجَالُ قَوَّ ٰ⁠مُونَ عَلَى ٱلنِّسَاۤءِ بِمَا فَضَّلَ ٱللَّهُ بَعۡضَهُمۡ عَلَىٰ بَعۡضࣲ وَبِمَاۤ أَنفَقُوا۟ مِنۡ أَمۡوَ ٰ⁠لِهِمۡۚ}[ النساء: ٣٤]
ئانکو: زه‌لام ل سه‌ر چاڤدێرى و ب خودانكرنا ژنان دڕابووينه‌، ژ به‌ر وان سالۆخه‌تێن پێ ڕابوون وسه‌راتییێ يێن خودێ داينه‌ وان، و ژ به‌ر وێ مه‌هر ونه‌فه‌قێ يا ئه‌و دده‌نه‌ وان.

و زەڵامان پرسیار یا ژ پێغەمبەریﷺ کری ئەرێ مافێ خێزانێن مە ل سەر مە چییە؟ پێغەمبەری ژی ﷺ دبەرسڤێ دا گوتییە: "أن تطعهما إذا طعمت، و تكسوها إذا اكتسيت....".
ئانکو: خوارنێ بۆ دابین بکەت ئەگەر پێدڤی پێ هەبوو، و جلوبەرگا بۆ دابین بکەت ئەگەر داخواز کر.
هەروەسا خودایێ مەزن گوتییە: {أَسۡكِنُەوهُنَّ مِنۡ حَیۡثُ سَكَنتُم مِّن وُجۡدِكُمۡ} [ الطلاق: ٦] هوين ژنێن خۆ ل دويڤ شيانێن خۆ ل هنده‌ك جهێن وه‌كى جهێن خۆ ئاكنجى بكه‌ن، ڤێجا: دابین کرنا خوارنێ و جلوبەرگا و ماڵێ ئەرکێ سەر ملێ زەڵامایە نە یێ ئافرەتا. ئانکۆ: ئەگەر ئافرەتێ شویکر بیت یا پێدڤییە لسەر ملێ هەڤژینێ وێ ئەو پێدڤیێن وێ بۆ دابین بکەت، و ئەگەر کچ بۆ ل سەر بابی..هتد
بەلێ پا ئەگەر ئافرەتێ کەس نە بو کو وێ و زاڕوکێن وێ خودان بکەت پێدڤییە ئەو کاربکەت ب ڤان مەرجان:

١- دڤێت ئەو کارە نەبیتە ڕێگر بۆ خزمەتکرنا وێ بۆ ماڵا وێ و زاڕوکێن وێ و پەروەردەکرنا وان.

٢- دڤێت ئەو کارە بخۆ یێ حەلال بیت.

٣-  دڤێت تێکەلییا زەڵامان نەکەت ل جهێ کارێ خۆ.

٤- دڤێت ب دەستیری و ڕازی بوونا سەرپەرشتێ خۆ بچیتە ژ دەرڤە.

٥- دڤێت یا ب ستارە بیت ب جلکێ شەرعی.

بەلێ بۆ ب دەستڤەئینانا پارەیەکێ زێدەتر ژ پارێ پێدڤی یان بۆ دابین کرنا ژیانەکا رەفاهییەت ناچێبیت ئافرەت بچیتە دەرڤە بۆ کارکرنێ چونکی ئەڤ ئەرکە سەرملێ ئافرەتێ نینە، بەلکی خزمەت کرنا ماڵ و زاڕوکا د ستویێ وێ دایە و پەیداکرنا نانی د ستویێ زەڵاماندایە.


ژێدەر: پەرتووکا وەڵامی ڕاست و دروست بۆ ژن و مێردی خوا پەرست - ژ بەرهەمێن سایتێ بەهەشت.
(ماموستا محمدعبدالرحمان)