بەرسڤ: ئافرەت پشتی زاڕوکبوونێ ناچێبیت نڤێژا بکەت و ڕۆژییا بگریت و یا حەڕامە ژی هەڤژینێ وێ بچیتە نڤینا وێ هەتا کو پاقژ دبیت ژ خوینێ.

و پاقژبوونا وێ ژی چ دەمێن دیارکری نینن ئانکو هەر دەمەکێ بۆ وێ دیاربوو کو خوینا پشتی زاڕوکبوونێ وێ نەمایە و ئاڤا سپی دیت کا چەوا ل دەمێ زڤروکا هەیڤانە دا دبینیت پێدڤییە سەرێ خۆ بشوت و نڤێژا بکەت و یا حەلالە ژی هەڤژینێ وێ بچیتە نڤینا وێ خۆ ئەگەر پشتی حەفت ڕوژا بیت یان شازدە ڕۆژا یان بیست و دوو ڕۆژا یان پشتی سێ ڕۆژا ژی بیت یان کێمتر یان زێدەتر ب مەرجەکی ژ (٤٠) ڕۆژا دەرباز نەبیت.
بەلێ ئەگەر ئافرەتەکێ خوینا وێ یا پشتی زاڕوکبوونێ یا بەردەوام بۆ هەتا دبنە (٤٠) ڕۆژ سەرێ خۆ ناشوت بۆ پاقژییێ و نڤێژ ژی بۆ حەلال نینن و یا حەلال ژی نینە هەڤژینێ وێ بچیته نڤینا وێ، ڤێجا پشتی (٤٠) ڕۆژا دێ سەرێ خۆ شوت دا کو بشێت نڤێژێن خۆ بکەت و هەڤژینێ وێ بچیتە دەف. بەلێ ئەگەر پشتی (٤٠) ڕوژا هەر خوینا وێ یا بەردەوام بۆ دبێژنە وێ خوینێ (استحاضه) ئانکو نەزیف و ب (خوینا پشتی زاڕوکبوونێ ناهێتە حسابکرن) و دڤی حالەتی دا نڤێژ یێن ل سەر و دروستە ژی هەڤژینێ وێ بچیتە نڤینا وێ بەلێ پا دڤێت بۆ هەر نڤێژەکی دەستنڤێژەکا نویی بشوت و هەروەسا دڤێت بچیتە دەف نوژدارێ پسپور بۆ  وەرگرتنا چارەسەرییێ.


ژێدەر: پەرتووکا وەڵامی ڕاست و دروست بۆ ژن و مێردی خوا پەرست - ژ بەرهەمێن سایتێ بەهەشت.
(ماموستا محمد عبدالرحمن)