حوکمێ پێکگوهارتنا ئافرەتێ چییە کو مروڤ ئێکا مەزن بدەتە ب ئێکا بچویك، ئەرێ زاروك دهێتە مەهرکرن بتنێ بابێ وێ گوتبیت ئەگەر مەزن بۆ، بو ڤی کوری یە و بۆ کەسێ دی نابیت دبێژن دڤێت ئەو کور ڤێ کچێ بەردەت شنی بهێتە مەهرکرن.

بەرسڤ: بسم الله الرحمن الرحیم
حەمد و سوپاسی بۆ خودایێ مەزن و سلاڤێن خودێ ل سەر پێغەمبەرێ خودێ بن و ل سەر خێزان و کەسو کارێن وی و ئیماندار و هەڤال و دویفکەفتیی یێن وی هەتا ڕۆژا دویماهییێ.

پێکگوهارتنا یا مەزن ب یا بچویك و هەتا یا مەزن ب یا مەزن ژی دروست نینە پێکگوهارتنا ژنێ ب ژنێ نە یا دروستە د ئیسلامێ دا، "نهي رسول الله صلي الله عليه وسلمعن الشغار" شغار: ئانکو ژن ب ژنێ یا دروست نینە ب تایبەتی ئەگەر پێکڤە گرێدەت ئانکو ب مەرج بدانن، تۆ خوشکا خۆ بدە من دێ ئەز خوشکا خۆ دەمە تە، تۆ کچا خۆ بدەمن دێ ئەز کچا خۆ دەمە تە، ئەڤە شغارە یان ژ ڤێ ژی خڕابتر کو مەهر نەبیت، یان هەر کەسەك مەهرێ بۆ کچا خۆ ددەت، یان بۆ خوشکا خۆ ددەت یان مەهرا وان دێ وەکی ئێك دانن، وەکی ابن عمر خودێ ژێ ڕازی بیت گوتی "ولیس بینهما صداق"، صداق: ئەوە کو مەهر نەبیت دنافبەرا وان دا ئەڤە یا حەڕامە و نەهی یا لێ هاتییە کرن، ڤێجا ژبەرکو نەهییا لێ هاتییە کرن ئەڤ عەقدە ناهیتە دانان و پێکگوهارتن یا دروست نینە.

ژێدەر: پەرتووکا وەڵامی ڕاست و دروست بۆ ژن و مێردی خوا پەرست - ژ بەرهەمێن سایتێ بەهەشت
(د. عبداللطیف أحمد)