بەرسڤ:

1. ل دەستپێکێ بزانە ئەگەر مەنع کرنا زاڕوکبوونێ ژبەر ئەگەرێن ئابووری بیت حەڕامە و نەیا شەرعییە ب هەر ڕەنگەکی چونکی ڕزقێ تە و زاڕوکی ژی یێ ل سەر خودێ وەکی خودایێ مەزن گوتی: {وَلَا تَقۡتُلُوۤا۟ أَوۡلَـٰدَكُمۡ خَشۡیَةَ إِمۡلَـٰقࣲۖ نَّحۡنُ نَرۡزُقُهُمۡ وَإِیَّاكُمۡۚ إِنَّ قَتۡلَهُمۡ كَانَ خِطۡـࣰٔا كَبِیرࣰا} [الإسراء: ٣١]

ئانكو: زاروكێن خۆ نەکوژن ژ ترسێن هەژاریێ دا چونکی ئەم ڕزقێ وان زاڕوکا و هەوە ژی ددەین ب ڕاستی کوشتنا زاڕوکا خەلەتیەکا مەزنە.
ڤێجا مەنعکرن ژی ب هەمان ڕەنگ ئەگەر ژبەر کێم دەرامەتی و بارگرانییا ژیانێ بیت خەلەتییەکا مەزنە چونکی ڕزقێ زاڕوکی یێ ل سەر خودێ ئەگەر خودێ سەری بدەت ڕزقی وی ژی ددەت وەکی پێشیان گوتی.
بەلێ پا ئەگەر ژبەر ئەگەرەکێ دی بیت وەکی ڕێکئێخستنا زاڕوکبوونێ بۆ ماوەیەکێ دەمی هەتا کو دەیک بێهنا خۆ ڤەدەت و گەلەک ئازار و نە ڕحەتیێ نەبینیت ژ ئەگەرێ زی زاڕوکبوونێ و ب خودانکرنا ئێك لدویف ئێکی ل ڤێرێ دروستە ب مەرجەکی ئەگەر زەڵام و خێزانا وی ژی د ڕازی بن بۆ ماوەیەکێ دەمی بیت نە کو دەمەکێ دریژ بیت
و مەنعێ سروشتی (طبیعی) دوو جورێن هەین:

أ/ هاڤێتنا ئاڤێ بۆ دەرڤەی مالبچویکی، ئەڤە ئەگەر ژ ساڵەکێ زێدەتر لێهات دێ زیانێن تەندروستی هەبن و نەیا دروستە د بەردەوام بن ل سەر

ب/ خۆ دویرئێخستن ژ کریارا جووتبونێ ل دەمێ ئێکگرتن و پێتینا دناڤبەرا توڤێ زەڵامی و هێکا ئافرەتێ کو دکەڤیتە پشتی ڕوژا پێنجێ ژ پاقژبوونا زڤروکا هەیڤانە هەتا کو ڕوژا دوازدێ.
ئەف جورێ دووێ چ زیانێن تەندروستی تێدا نینن و حەفتێ ژ سەدێ یا سەرکەفتییە.

بەلێ پا مەنعێ دەستکر ب خوارنا حەبکا و دانانا دەرزیکا و گرێدانا ماڵبچویکی. ... ئەڤان هەمیان زیانێن تەندروستی ژێ دروست دبن لەوا ئەز دبینم نە دشەرعی نە و نە ددروستن و فەتوایا هندەك ژ زانایێن مەزن ژی یا ل سەر هەیی.


ژێدەر: پەرتووکا وەڵامی ڕاست و دروست بۆ ژن و مێردی خوا پەرست - ژ بەرهەمێن سایتێ بەهەشت
(ماموستا محمد عبدالرحمن)