بەرسڤ:ئبن عثيمين خودێ دلوڤانییێ پێ ببەت دبێژیت: دێ بینی هندەک ژ ئافرەتان یێن ب ڕۆژی بوین و ئەگەر ڕۆژ ئاڤا بوو و فتارا خۆ کر بەری ئەو نڤێژا مەغرەب بکەت ژ نوی دکەڤیتە د بێ نڤێژيێ دا، ڤێجا هندەک ژوان دبێژن وەختێ دکەڤمە دبێ نڤێژیێ دا پشتی فتارێ و بەری نڤێژا مەغرەب بکەم ڕۆژییا من دشکێت.

و هەروەسا هندەک ژوان دبێژن: وەختێ د كەڤمە دبێ نڤێژیێ دا بەرى نڤێژا عەيشا ئەو هزر دكەت ڕوژييا وێ دشکێتن.

و ئەڤ چەندە هەمی یا دروست نینە،  ئەگەر ڕوژ ئاڤا بوو و ئافرەتێ بێ نڤێژی نە دیت هەتا ئەگەر ب خۆلەكەكێ ژى پشتی ڕۆژ ئاڤا بۆونێ ژ نوی ئەو کەڤتە د بێ نڤێژييان دا ل وی دەمی ڕۆژییا وێ یا دروستە، خۆ ئەگەر وێ هەست ب نیشانێن بێ نڤێژیێ کرن بەری ڕۆژ ئاڤابوونێ ل وى دەمی ڕۆژییا وێ یا دروستە، ژبەر کو ئەوا ڕۆژیێ دشکێنيتن دەرکەفتنا بێ نڤێژیێ یە بەری ڕۆژ ئاڤا بوونێ، نە کۆ هەستپێکرن ب هاتنا وێ يه.

[مجموع فتاوى ورسائل العثيمين (٨٠/١٩)،(٢٧٠/١٩)]