بەرسڤ: لیژنا فتوايا دبێژیتن: دروسته بۆ ئافرەتێ ئەڤان حەبێن هەنێ بكاربينت يێن نەهێلن ئەو بكەڤيتە د بێ نڤێژیێ دا ب مەرجەکی ئەگەر نوژداران حوکم پێ دا کۆ ئەڤ حەبە چ زیانا ناگەهینێ و زیانێ نا گەهینیتە دوگيانیێ، و بۆ وێ باشترە ئەو ب کار نەئینیت، خودێ دەستیری دایە وان ئافرەتان کۆ ئەو ڕۆژی یا بخون دەمێ دکەڤنە د بێ نڤێژييان دا ل هەیڤا ڕەمەزانێ، و شریعەتێ فەرمانا کری کۆ ب تنێ دێ قەزا کەت.

[فتاوى اللجنة الدائمة (١٥١/١٠)]

هەروەسا ئبن عثيمين خودێ دلوڤانییێ پێ ببەت  دبێژیت: ئەوا ئەز دبینم کۆ ئافرەت ڤان حەبکان بكار نەئینیت نە د ڕەمەزانێ دا و نە ژ غەیری ڕەمەزانێ ژی دا، ژبەر کۆ یا بنەجهـ بووی ل دەف من ژ پشکنیێن نوژداری کۆ ئەو حەبک گەلەک ب زیانن بۆ ئافرەتێ ل سەر ڕەحمێ وێ و دەمارا و خـوینێ، و هەر تشتەکێ ب زیان بیت نەهییا مـە یا ژێ هاتییە کرن، ژبـەر گوتنا پـێغەمـبەری ﷺ: "لا ضرر ولا ضرار" [١]

ئانكو : بلا ڪەس زیانێ نەکەت، و کەس بەرسڤا زیانێ ب زیانێ نەدەت.

[مجموع فتاوى ورسائل العثيمين (ج ٢٥٩/١٩)]

[١] رواه ابن ماجه وصححه الألباني.

ئبن عثيمين : ئەز ئەوان ژ ڤێ چەندێ هشيار دكەم و وان ژێ د دەمە پاش، چونكى ئەڤان حەبێن هەنێ زيانەكا مەزن يا هەی ل سەر، ئەڤە ژى ب ڕێكا نوژداران بۆ من يا ديار بوی، و دڤێت ئەم بێژينە ژنا: ئەڤە تشتەكە خودێ يێ ل سەر كچێن ئادەمى نڤيسی، ڤێجا تۆ يا ڕازی بە ب وێ يا خودێ بۆ تە نڤيسى و يا ب ڕۆژی بە ئەگەر چ ڕێگر نەبن، بەلێ ئەگەر ڕێگرەك هەبوو (بۆ نموونە بێ نڤێژی) هینگى تۆ ڕوژییان نەگرە و يا ڕازی بە ب قەدەرا خودايێ مەزن.