بەرسڤ:ئەوا ئەز دبینم تۆ سەحکەیە کا بەرژەوەندی چاوا دخازیت، ئەرێ ماڵ یا نەچارە تۆ تێدا ب مینی؟ بۆ نموونە زاڕوکێت بچیک تە یێت هەین و پێدڤی ب چاڤدێریکرنێ نە ئەڤە مانا تە ل مال باشترە ژ کۆ تۆ بخوینی، ژبەرکو پێغەمبەر ﷺ دبێژیت: (ابدا بنفسك) ئانکو ژ نەفسا خۆ دەستپێ بکە، ئەڤجا واجبە ل سەر تە چاڤدانا زاڕوکا و چاککرنا مالێ و ئەڤە کارەکێ واجبە.

و دەعوا ژبو خودێ عز و جل (فرض کفایە) یە (ڪو ئەگەر ل جهەڪی هندەڪ پێ ڕابن واجب ل سەر هەمییان ڕادبیت، و ئەگەر ڪەس پێ نەڕابیت دێ هەمی گونەهڪار بن) ئانکو دبیت هندەک ژنێن دی پێ ڕاببن تێرا ژنکا هەبیت، و ئەگەر تۆ شیای هەردووکا پێکڤە ب ڕێڤە ببەی کۆ ببیە داعیە ئەگەر خوهـ ل قوتابخانێ ژی نەبیت ئەڤە باشە.

و لڤێرێ بەلکەی هندەک دێ بێژن ما چیە ئەگەر خودامان بینم بۆ چاڤدێریا زاڕوکا و مالێ و ئەز بچم بخوینم و ببمە داعیە..!؟

بەرسڤا شێخی:

و من دڤێت ل ڤێرێ هشیارکرنەکێ بدەمە خیشکێن خۆ ئەوێن خودامان بۆ خۆ دگرن، ڤێجا ئەڤ خودام و خولامە چ موسلمان بن یان نە موسلمان بن، چونکی ئامادەبوونا خودام و خولامان د ماڵ دا گەلەك خرابییا ب دویڤ خودا دئینیت، ژ وان:

*گەلەک ژوان بێ مەحرەم دهێن و گەشتکرنا ژنێ بێ مەحرەم چێنابیت هەر وەکی هاتی د صەحیحا بوخاری و موسلمی دا ژ حەدیسا ئبن عەباسی -خودێ ژێ ڕازی بیت- کۆ پێغەمبەری ﷺ گوت: (لا تسافر المراە الا ومعها محرم)

بلا ژن سەفەرێ نەکەت ئەگەر چ مەحرەمێن وێ د گەل نەبن.

*ئەڤ خادیمە نهێنیێت مالێ دێ زانیت و هەما دبیت ئەو ژنە ژنەکا ب کرێ گرتی بیت ژ بۆ زانینا بارودوخێت موسلمانا و ئاگەهداری کاروبارێت وان بیت.

*ژن دێ فێربیتە بێخیرەتیێ و ئەڤەژی زیانێ ل ژنێ دکەت خۆ ل سەر هزرێت وێژی، ئانکو ژن هەما بروینیتە خوارێ ل مال و چ کاران نەکەت (کارێت ناڤ مالێ) دێ هزرا وێ تێکچیت و زاکیرا وێ لاواز بیت.

*و هندەک ژوان خودامان بەلکەی یا جحێلە و جوانە فیتنە دێ ژێ چێبیت چ ژ زەلامێ وێ یان زاڕوکێت وێ و ئەڤ تشتە مە گەلەک یا گوهلێبوی و خرابی یا ژێ چێبوی.

*و گەلەک ژ وان خودامان دئینە دمال دا یان جلکێن وان د بێ سەروبەرن و دەستێن وان و پێت وان د ڕویسن و ئەڤە هەمی حەرامە و چێنابیت.

ئەڤجا پێدڤیە هشیاربین ژ ئینانا وان خودامان، و ئەگەر تۆ مەجبور بوی بینی وێژی مەرجێت خۆ یێن هەین:

مەرجێ ئێکێ: ژن دگەل مەحرەمەکی بیت.

مەرجێ دووێ: تویا پشت ڕاستبی کۆ فیتنە ژێ چێنابیت (چ د جلکی دا یان د باوەریێ دا)

مەرجێ سیێ: کۆ تۆ زوور یا مەجبور بی و تویا ڕاستگوبی دمەجبوریا خودا و ئینانا وێ خادیمێ دا

بەرسڤدان: الشیخ محمد بن صالح العثیمین.

ژ پەرتووکا: دور المرأة في إصلاح المجتمع