بەرسڤ:

بەلێ دروستە، بەڵگە لسەر دروست بوونا کرنا زکرێ خودێ: عَنْ أُمِّ عَطِيَّةَ - نُسَيْبَةَ الأَنْصَارِيَّةِ قَالَتْ: (أَمَرَنَا النَّبِيَّ ﷺ أَنْ نَخْرُجَ يَوْمَ الْعِيدِ، حَتَّى نُخْرِجَ الْبِكْرَ مِنْ خِدْرِهَا، وَحَتَّى تَخْرُجَ الْحُيَّضُ، فَيَكُنَّ خَلْفَ النَّاسِ، فَيُكَبِّرْنَ بِتَكْبِيرِهِمْ وَيَدْعُونَ بِدُعَائِهِمْ) [مُتَّفَقٌ عَلَيْهِ]

ئانکو: ژ دەیكا عەطیایێ‌ -نوسەیبا ئەنصاری- -خودێ‌ ژێ‌ ڕازی بیت- گوت: پێغەمبەری ﷺ فەرمان مه كر ئەم بدەركەڤین ڕوژا جەژنێ‌، هەتا كچا لبن پەریێ‌ یا نە شویكری كو وێ‌ ژی بدەرێخی، هەتا ژنكا د بێ نڤێژییان دا (الحيض) دەردكەفت، و ل پشت خەلكی درووینشتن، ئەوان تەكبیر دگوتن ب تەكبیراتێت وان ودوعا دكرن ب دوعایێن وان، هیڤیا وان بەرەكەتا وێ‌ ڕوژێ‌ و پاقژیا وێ‌ بوو.

بەلگە لسەر دروست بوونا خواندنا قورئانێ: ده‌مێ عائیشا‌ -خودێ ژێ ڕازی بیت- د عومرێ دا كه‌ڤتییه‌ د بێ نڤێژیێ دا پێغه‌مبه‌ری ﷺ گۆتێ: (افْعَلِي مَا يَفْعَلُ الْحَاجُّ غَيْرَ أَنْ لَا تَطُوفِي بِالْبَيْتِ) [مُتَّفَقٌ عَلَيْهِ]

ئانكو: ئه‌و كارێن حه‌جی دكه‌ن تۆ ژی هه‌مییان بكه،‌ ژبلی ته‌وافێ، و يا دياره كۆ ئەڤێن حەجێ و عومرێ دکەن ئەو زکرێ خودێ دکەن و قورئانێ دخوینن.

ابن تيمية خودێ دلوڤانیێ پێ ببەت دبێژیت: (ليس في منعها من القرآن سنة أصلا) ئانكو: نه هاتییە دسوننەتێ دا ڪۆ ئافرەتا د بێ نڤێژیێ دا ناچێبیت قورئانێ بخوینت. 

و هەروەسا گوتنا پێغەمبەری ﷺ: (لا تقرأ الحائض ولا الجنب شيئاً من القرآن) ئانكو: ئەو ئافرەتا دکەڤیتە د بێ نڤێژیێ دا ناچێبیت قورئانێ بخوینت. ئەڤ فەرموودە یا لاوازە ب ئێک دەنگییا ئەهلێ زانایێن فەرموودان.

•گۆتنا زانايان ئەوە کۆ دروستە ئافرەتا د بێ نڤێژیێ دا قورئانێ بخوینیت، بەلێ پێدڤییە ئەو دەست گورکا بکەتە بەر خۆ.

ستافێ سایتێ مزگەفت