بەرسڤ:

گوهداريكرنا ستران وموزيكێ یا حەرامە، چ د هەیڤا ڕەمەزانێدا بیت یان ژی د هەیڤەکا دی دابیت، بەلێ د هەیڤا ڕەمەزانێ دا گونەها وێ مەزنترە، 

ژبەرکۆ مەبەست ژ گرتنا ڕۆژیێ ئەو نینە خۆ دویرکەت ژ خوارنێ و ڤەخوارنێ، بەلکو ئەوە کۆ هەمی ئەندامێن وی ڕۆژی ببن ژ هەر گونەهەکێ.

پێغەمبەر ﷺ دبێژیت: (مَنْ لَمْ يَدعْ قَوْلَ الزُّورِ والعمَلَ بِهِ فلَيْسَ للَّهِ حَاجةٌ في أَنْ يَدَعَ طَعامَهُ وشَرَابهُ) [رَواهُ البُخاري]

ئانکو: هەركەسێ‌ گۆتنا درەو و كارپێكرنێ‌ نەهێلیت خودێ‌ مننەت ب وی نینە ئەو خوارنا خۆ و ڤەخوارنا خۆ بهێلیت.

بەڵگە ژ قورئانێ وسوننەتێ لسەر حەرامیا ستران وموزيكێ: بەڵگە ژ قورئانێ: خودایێ مەزن دبێژیت: ﴿وَمِنَ ٱلنَّاسِ مَن یَشتَرِی لَهوَ ٱلحَدِیثِ لِیُضِلَّ عَن سَبِیلِ ٱللَّهِ بِغَیرِ عِلم وَیَتَّخِذَهَا هُزُوًا أُولَئكَ لَهُم عَذَاب مُّهِین﴾ [لقمان:٦] ئانكو: عبداللە کورێ مسعودی - خودێ ژێ ڕازی بیت - سێ جاران سیند دخوت و دبێژیت هندیکە ئەڤ پەیڤەیە (لَهوَ ٱلحَدِیثِ)گوتنا بێ خێرە، رامان ئەوە بەحسێ موزیکێ یە، هەروەسا جابرێ کورێ عبدالله ی -خودێ ژێ ڕازی بیت- دەربارەیی ڤێ ئایەتێ دبێژیت: ئەو موسیقە و گوھدانا وێ یە.

بەڵگە ژ سوننەتێ: پێغەمبەرێ خودێ ﷺ دبێژیت: (لَيَكُونَنَّ مِنْ أُمَّتِى أَقْوَامٌ يَسْتَحِلُّونَ الْحِرَ وَالْحَرِيرَ وَالْخَمْرَ وَالْمَعَازِفَ) [رَواهُ البُخاري]

ئانکو: دئوممەتا من دا دێ هندەک کەس دەرکەڤن دەهمەن پیسی وئارمیش وئارەقێ ومەیێ وزرنایێ و موزیکێ دێ ب حەلال دانن ودێ حەلالکەن ( ئانکو : ئەو بخو حەرامە )

ستافێ سایتێ مزگەفت