{ 1 } { بِسْمِ اللَّهِ الرَّحْمَٰنِ الرَّحِيمِ وَالْعَادِيَاتِ ضَبْحًا } خودێ ب وان هه‌سپان سويند خوار ئه‌وێن د ڕێكا وى دا دبه‌زن، و ژ به‌ر به‌زينێ ده‌نگ ژێ ده‌ردكه‌ڤت. وبۆ مرۆڤى چێ نابت ژبلی خودێ ب تشته‌كێ دى سويند بخۆت؛ چونكى ئه‌و شركه‌.

{ 2 } { فَالْمُورِيَاتِ قَدْحًا } و ب وان هه‌سپێن چريسك ژ سمێن وان دپه‌شن؛ ژ به‌ر چوونا وان يا ب له‌ز.

{ 3 } { فَالْمُغِيرَاتِ صُبْحًا } وئه‌وێن سپێدێ هێرشێ دده‌نه‌ سه‌ر دوژمنان.

{ 4 } { فَأَثَرْنَ بِهِ نَقْعًا } ڤێجا ب وێ به‌زا خۆ توزێ ڕادكه‌ن.

{ 5 } { فَوَسَطْنَ بِهِ جَمْعًا } و ب خودانێن خۆ ڤه‌ دچنه‌ د نيڤا كۆما دوژمنان دا.

{ 6 } { إِنَّ الْإِنْسَانَ لِرَبِّهِ لَكَنُودٌ } هندى مرۆڤه‌ قه‌نجییێن خودايێ خۆ گه‌له‌ك ڤه‌دشێرت.

{ 7 } { وَإِنَّهُ عَلَىٰ ذَٰلِكَ لَشَهِيدٌ } وهندى ئه‌وه‌ ئه‌و ل سه‌ر ڤێ قه‌نجى ڤه‌شێرییا خۆ شاهده‌ وئعترافێ دكه‌ت.

{ 8 } { وَإِنَّهُ لِحُبِّ الْخَيْرِ لَشَدِيدٌ } وئه‌و بۆ ڤيانا مالی يێ دژواره‌.

{ 9 } { أَفَلَا يَعْلَمُ إِذَا بُعْثِرَ مَا فِي الْقُبُورِ } ئه‌رێ ڤێجا ما مرۆڤ نزانت كانێ چو ل به‌را وى هه‌يه‌ ئه‌گه‌ر خودێ مرى بۆ حسێبێ وجزادانێ ژ گۆڕان ده‌رێخستن؟

{ 10 } { وَحُصِّلَ مَا فِي الصُّدُورِ } وئه‌گه‌ر هه‌ر تشته‌كێ د سنگان دا ژ باشى وخرابییان هاته‌ ده‌رێخستن.

{ 11 } { إِنَّ رَبَّهُمْ بِهِمْ يَوْمَئِذٍ لَخَبِيرٌ } هندى خودايێ وانه‌ وێ ڕۆژێ ب وان وكريارێن وان يێ شاره‌زايه‌، تشته‌ك ژێ ل به‌ر وى به‌رزه‌ نابت.