الحُجرَات
{ 1 } { بِسْمِ اللَّهِ الرَّحْمَٰنِ الرَّحِيمِ يَا أَيُّهَا الَّذِينَ آمَنُوا لَا تُقَدِّمُوا بَيْنَ يَدَيِ اللَّهِ وَرَسُولِهِ ۖ وَاتَّقُوا اللَّهَ ۚ إِنَّ اللَّهَ سَمِيعٌ عَلِيمٌ } ئه‌ى ئه‌وێن باوه‌رى ب خودێ وپێغه‌مبه‌رێ وى ئيناى هوين ژبلی ئه‌مرێ خودێ وپێغه‌مبه‌رێ وى تشته‌كێ دى د دينێ خۆ دا ده‌رنه‌ئێخن وبۆ خۆ دورست نه‌كه‌ن دا هوين نه‌بنه بيدعه‌چى، و ژ خودێ بترسن وێ گۆتن وكريارێ نه‌كه‌ن يا دژى ئه‌مرێ خودێ وپێغه‌مبه‌رێ وى بت، هندى خودێیه گوهدێرێ گۆتنێن هه‌وه‌يه، وئه‌و ب ئنيه‌ت وكريارێن هه‌وه يێ پڕزانايه.
{ 2 } { يَا أَيُّهَا الَّذِينَ آمَنُوا لَا تَرْفَعُوا أَصْوَاتَكُمْ فَوْقَ صَوْتِ النَّبِيِّ وَلَا تَجْهَرُوا لَهُ بِالْقَوْلِ كَجَهْرِ بَعْضِكُمْ لِبَعْضٍ أَنْ تَحْبَطَ أَعْمَالُكُمْ وَأَنْتُمْ لَا تَشْعُرُونَ } ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى، ده‌مێ هوين د گه‌ل پێغه‌مبه‌رى دئاخڤن هوين ده‌نگێ خۆ ب سه‌ر ده‌نگێ وى نه‌ئێخن، وهوين ب ده‌نگه‌كێ بلند گازى وى نه‌كه‌ن وه‌كى هوين گازى ئێك ودو دكه‌ن، وهوين ده‌مێ وى دئاخێڤن وى وه‌كى خه‌لكێ دى حسێب نه‌كه‌ن، كا چاوا ئه‌و ب پێغه‌مبه‌رينییا خۆ وه‌كى خه‌لكێ دى نينه، وڤيان ودويكه‌فتنا وى كاره‌كێ فه‌ره، هوين ڤێ چه‌ندێ بكه‌ن؛ دا كريارێن هه‌وه پويچ نه‌بن بێى هوين پێ بحه‌سیێن.
{ 3 } { إِنَّ الَّذِينَ يَغُضُّونَ أَصْوَاتَهُمْ عِنْدَ رَسُولِ اللَّهِ أُولَٰئِكَ الَّذِينَ امْتَحَنَ اللَّهُ قُلُوبَهُمْ لِلتَّقْوَىٰ ۚ لَهُمْ مَغْفِرَةٌ وَأَجْرٌ عَظِيمٌ } هندى ئه‌ون يێن ده‌نگێ خۆ ل نك پێغه‌مبه‌رێ خودێ نزم دكه‌ن ئه‌و ئه‌ون يێن خودێ دلێن وان بۆ ته‌قوايێ جه‌ڕباندين، لێبۆرينا ژ گونه‌هان وخێره‌كا مه‌زن، كو به‌حه‌شته، بۆ وان ل نك خودێ هه‌يه.
{ 4 } { إِنَّ الَّذِينَ يُنَادُونَكَ مِنْ وَرَاءِ الْحُجُرَاتِ أَكْثَرُهُمْ لَا يَعْقِلُونَ } هندى ئه‌ون يێن ل پشت مه‌زه‌لكێن ته -ئه‌ى پێغه‌مبه‌ر- ب ده‌نگه‌كێ بلند گازى ته دكه‌ن، پترییا وان تێ ناگه‌هن كانێ د گه‌ل پێغه‌مبه‌رێ خودێ سلاڤ لێ بن دڤێت ئه‌و ب چ تۆره بن.
{ 5 } { وَلَوْ أَنَّهُمْ صَبَرُوا حَتَّىٰ تَخْرُجَ إِلَيْهِمْ لَكَانَ خَيْرًا لَهُمْ ۚ وَاللَّهُ غَفُورٌ رَحِيمٌ } وئه‌گه‌ر وان بێهنا خۆ فره‌هـ كربا حه‌تا تو ده‌ردكه‌فتییه نك وان، ئه‌و ل نك خودێ بۆ وان دا چێتر بت؛ چونكى خودێ فه‌رمان ل وان كرییه ئه‌و قه‌درێ ته بگرن، وخودێ باش گونه‌هـ ژێبره بۆ وى تشتێ وان ژ نه‌زانين كرى، ويێ دلۆڤانكاره ب وان له‌ز د عه‌زابدانا وان دا نه‌كرییه.
{ 6 } { يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ } ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى، وكار ب شریعه‌تێ وى كرى، ئه‌گه‌ر فاسقه‌كى گۆتنه‌ك بۆ هه‌وه ئينا به‌رى هوين باوه‌ر ژێ بكه‌ن وگۆتنا وى ڤه‌گوهێزن، هوين خۆ ژێ پشتڕاست بكه‌ن؛ دا هوين گونه‌ها كه‌سێ نه‌كه‌نه ستويێ خۆ، پاشى سه‌را وێ چه‌ندێ په‌شێمان ببن.
{ 7 } { وَاعْلَمُوا أَنَّ فِيكُمْ رَسُولَ اللَّهِ ۚ لَوْ يُطِيعُكُمْ فِي كَثِيرٍ مِنَ الْأَمْرِ لَعَنِتُّمْ وَلَٰكِنَّ اللَّهَ حَبَّبَ إِلَيْكُمُ الْإِيمَانَ وَزَيَّنَهُ فِي قُلُوبِكُمْ وَكَرَّهَ إِلَيْكُمُ الْكُفْرَ وَالْفُسُوقَ وَالْعِصْيَانَ ۚ أُولَٰئِكَ هُمُ الرَّاشِدُونَ } وهوين بزانن كو پێغه‌مبه‌رێ خودێ يێ د ناڤ هه‌وه دا، ڤێجا هوين د گه‌ل وى ب تۆره بن؛ چونكى ئه‌و ژ هه‌وه چێتر دزانت كانێ چ ب كێر هه‌وه دئێت، ئه‌وى خێر بۆ هه‌وه دڤێت، ودبت هه‌وه ئه‌و خرابى بۆ خۆ بڤێت يا ئه‌و ژ هه‌وه قه‌بويل نه‌كه‌ت، ئه‌گه‌ر ئه‌و د پترییا وى كارى دا يێ هوين بۆ خۆ هل دبژێرن گوهدارییا هه‌وه بكه‌ت، وه‌ستيانا هه‌وه د وێ چه‌ندێ دا دێ هه‌بت، به‌لێ خودێ باوه‌رى ل به‌ر هه‌وه شرين كر وئه‌و د دلێن هه‌وه دا خه‌ملاند، ڤێجا هه‌وه باوه‌رى ئينا، ووى كوفرا ب خودێ وبێ ئه‌مرییا وى ل به‌ر هه‌وه نه‌خۆش وكرێت كر، ئه‌وێن ئه‌ڤ سالۆخه‌ته ل نك هه‌ين ئه‌ون يێن سه‌رڕاست وڕێكا حه‌قییێ گرتين.
{ 8 } { فَضْلًا مِنَ اللَّهِ وَنِعْمَةً ۚ وَاللَّهُ عَلِيمٌ حَكِيمٌ } وئه‌ڤ خێرا گه‌هشتییه هه‌وه قه‌نجییه‌كه ژ نك خودێ. وخودێ ب وى يێ شوكرا قه‌نجییێن وى بكه‌ت یێ پڕزانايه، و د ڕێڤه‌برنا كارێن به‌نییێن خۆ دا یێ كاربنه‌جهه.
{ 9 } { وَإِنْ طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا ۖ فَإِنْ بَغَتْ إِحْدَاهُمَا عَلَى الْأُخْرَىٰ فَقَاتِلُوا الَّتِي تَبْغِي حَتَّىٰ تَفِيءَ إِلَىٰ أَمْرِ اللَّهِ ۚ فَإِنْ فَاءَتْ فَأَصْلِحُوا بَيْنَهُمَا بِالْعَدْلِ وَأَقْسِطُوا ۖ إِنَّ اللَّهَ يُحِبُّ الْمُقْسِطِينَ } وئه‌گه‌ر دو ده‌سته‌ك ژ خودان باوه‌ران ب شه‌ڕ چوون، هوين وان پێك بينن، وژێ بخوازن كو ئه‌و كيتابا خودێ وسوننه‌تا پێغه‌مبه‌رێ وى -سلاڤ لێ بن- د ناڤبه‌را خۆ دا بكه‌نه حه‌كه‌م، و ب حوكمێ وان ڕازى ببن، ڤێجا ئه‌گه‌ر ده‌سته‌كه‌كێ ته‌عدايى كر و د گازییا هه‌وه نه‌هات، هوين شه‌ڕێ وێ بكه‌ن حه‌تا ئه‌و ژى ل حوكمێ خودێ وپێغه‌مبه‌رێ وى دزڤڕت، ڤێجا ئه‌گه‌ر ئه‌و زڤڕى هوين ب دادییێ صولحێ د ناڤبه‌را وان دا بكه‌ن، وهوين د حوكمێ خۆ دا دادییێ بكه‌ن وزێده‌گاڤییێ ل سه‌ر حوكمێ خودێ وحوكمێ پێغه‌مبه‌رێ وى نه‌كه‌ن، هندى خودێیه حه‌ز ژ وان دكه‌ت يێن دادییێ د حوكمێ خۆ دا دكه‌ن، وئايه‌ت سالۆخه‌تێ ڤيانێ بۆ خودێ ب ڕاستى بنه‌جهـ دكه‌ت، ب ڕه‌نگه‌كێ هه‌ژى وى بت.
{ 10 } { إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّهَ لَعَلَّكُمْ تُرْحَمُونَ } هندى خودان باوه‌رن د دينى دا برانه، ڤێجا هوين صولحێ د ناڤبه‌را برايێن خۆ دا بكه‌ن ئه‌گه‌ر ئه‌و ب شه‌ڕ چوون، و د هه‌مى كارێ خۆ دا هوين ژ خودێ بترسن؛ دا ڕه‌حم ب هه‌وه بێته‌برن.
{ 11 } { يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَىٰ أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَىٰ أَنْ يَكُنَّ خَيْرًا مِنْهُنَّ ۖ وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ ۖ بِئْسَ الِاسْمُ الْفُسُوقُ بَعْدَ الْإِيمَانِ ۚ وَمَنْ لَمْ يَتُبْ فَأُولَٰئِكَ هُمُ الظَّالِمُونَ } ئه‌ى ئه‌وێن باوه‌رى ب خودێ وپێغه‌مبه‌رێ وى ئيناى وكار ب شريعه‌تێ وى كرى كۆمه‌كا خودان باوه‌ر بلا يارییان بۆ خۆ ب كۆمه‌كا دى يا خودان باوه‌ر نه‌كه‌ت؛ به‌لكى ئه‌وێن يارى پێ دئێنه‌كرن ژ يێن دى دچێتر بن، وچو ژنێن خودان باوه‌ر بلا يارییان بۆ خۆ ب چو ژنێن دى يێن خودان باوه‌ر نه‌كه‌ن؛ به‌لكى ئه‌و ژنێن يارى پێ دئێنه‌كرن ژ يێن دى دچێتر بن، وهنده‌ك ژ هه‌وه بلا به‌حسێ عه‌يبێن هنده‌كان نه‌كه‌ن، وناسناڤێن كرێت هوين ل سه‌ر ئێك ودو نه‌دانن، ده‌ركه‌فتنا هه‌وه ژ ڕێ پشتى كو هوين هاتينه د ئيسلامێ دا پيسه سالۆخه‌ت وناڤه، وهه‌چییێ ژ ڤى كارى تۆبه نه‌كه‌ت ئه‌و ئه‌ون يێن ب كرنا ڤان گونه‌هان زۆردارى ل خۆ كرى.
{ 12 } { يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ ۖ وَلَا تَجَسَّسُوا وَلَا يَغْتَبْ بَعْضُكُمْ بَعْضًا ۚ أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ وَاتَّقُوا اللَّهَ ۚ إِنَّ اللَّهَ تَوَّابٌ رَحِيمٌ } ئه‌ى ئه‌وێن باوه‌رى ب خودێ وپێغه‌مبه‌رێ وى ئيناى وكار ب شريعه‌تێ وى كرى هوين گه‌له‌ك خۆ ژ هندێ بده‌نه پاش كو هزرا خرابییێ ژ خودان باوه‌ران بكه‌ن؛ چونكى هنده‌ك ژ وێ هزرێ گونه‌هه، وهوين ل عه‌يبێن موسلمانان نه‌گه‌ڕيێن، وهنده‌ك ژ هه‌وه د پشت هنده‌كان ڕا نه‌كامى وغه‌يبه‌تا وان نه‌كه‌ن. ئه‌رێ ما ئێك ژ هه‌وه دڤێت گۆشتێ برايێ خۆ بخۆت و ئه‌و يێ مرى؟ هه‌وه ئه‌و نه‌ڤێت، ڤێجا بلا هه‌وه غه‌يبه‌تا وى ژى نه‌ڤێت. وهوين ژ خودێ بترسن. هندى خودێیه پڕ تۆبه‌وه‌رگرێ به‌نییێن خۆ يێن خودان باوه‌ره، ويێ دلۆڤانكاره ب وان.
{ 13 } { يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِنْدَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ } ئه‌ى گه‌لی مرۆڤان، هندى ئه‌مين مه هوين ژ بابه‌كێ ب تنێ كو ئاده‌مه، و ده‌یكه‌كا ب تنێ كو حه‌ووايه ئافراندينه، ڤێجا نه‌سه‌با كه‌سێ ژ يا كه‌سێ باشتر نينه، و ژ لايێ دوونده‌هێ ڤه مه هوين كرنه گه‌له‌ك ملله‌ت وئويجاخ؛ دا هنده‌ك ژ هه‌وه هنده‌كان بنیاسن، هندى باشترينێ هه‌وه‌يه ل نك خودێ ئه‌وه يێ ژ هه‌مییان پتر ته‌قوایا خودێ بكه‌ت. هندى خودێیه ب ته‌قواداران يێ پڕزانايه، و ب وان يێ شاره‌زايه.
{ 14 } { قَالَتِ الْأَعْرَابُ آمَنَّا ۖ قُلْ لَمْ تُؤْمِنُوا وَلَٰكِنْ قُولُوا أَسْلَمْنَا وَلَمَّا يَدْخُلِ الْإِيمَانُ فِي قُلُوبِكُمْ ۖ وَإِنْ تُطِيعُوا اللَّهَ وَرَسُولَهُ لَا يَلِتْكُمْ مِنْ أَعْمَالِكُمْ شَيْئًا ۚ إِنَّ اللَّهَ غَفُورٌ رَحِيمٌ } عه‌ره‌بێن ده‌شتێ گۆتن: مه ب تمامى باوه‌رى ب خودێ وپێغه‌مبه‌رێ وى ئينايه، تو -ئه‌ى پێغه‌مبه‌ر- بێژه وان: هوين نه‌بێژن مه باوه‌رییه‌كا تمام هه‌يه، به‌لێ بێژن: مه خۆ ته‌سليم كرییه، وباوه‌رى هێشتا نه‌چوويه د دلێن هه‌وه دا، وئه‌گه‌ر هوين گوهدارییا خودێ وپێغه‌مبه‌رێ وى بكه‌ن، ئه‌و تشته‌كى ژ خێرا كريارێن هه‌وه ژ هه‌وه كێم ناكه‌ت. هندى خودێیه باش گونه‌هـ ژێبره بۆ وى يێ ژ گونه‌هێن خۆ تۆبه بكه‌ت، و ب وى يێ دلۆڤانكاره. وئه‌ڤ ئايه‌ته پاشڤه‌برنه‌كه بۆ وى يێ خۆ ب باوه‌رییێ ودويچوونا سوننه‌تێ دئينته ده‌رێ وكريارێن وى دژى وێ چه‌ندێ بن.
{ 15 } { إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ ثُمَّ لَمْ يَرْتَابُوا وَجَاهَدُوا بِأَمْوَالِهِمْ وَأَنْفُسِهِمْ فِي سَبِيلِ اللَّهِ ۚ أُولَٰئِكَ هُمُ الصَّادِقُونَ } هه‌ما خودان باوه‌ر ئه‌ون يێن باوه‌رى ب خودێ وپێغه‌مبه‌رێ وى ئيناى وكار ب شريعه‌تێ وى كرى، پاشى د باوه‌رییا خۆ دا دودل نه‌بووين، و ب مال وجانێ خۆ جيهاد د ڕێكا خودێ وڕازيبوونا وى دا كرى، ئه‌و ئه‌ون يێن ڕاستگۆ د باوه‌رییا خۆ دا.
{ 16 } { قُلْ أَتُعَلِّمُونَ اللَّهَ بِدِينِكُمْ وَاللَّهُ يَعْلَمُ مَا فِي السَّمَاوَاتِ وَمَا فِي الْأَرْضِ ۚ وَاللَّهُ بِكُلِّ شَيْءٍ عَلِيمٌ } تو -ئه‌ى پێغه‌مبه‌ر- بێژه ڤان عه‌ره‌بێن ده‌شتێ: ئه‌رێ هوين دينێ خۆ ووى تشتێ د دلێن خۆ دا ب خودێ دده‌نه زانين، وخودێ هه‌ر تشته‌كێ ل عه‌سمانان و ل عه‌ردى هه‌ى دزانت؟ وخودێ ب هه‌ر تشته‌كى يێ پڕزانايه، تشتێ د دلێن هه‌وه دا هه‌ى ل به‌ر وى به‌رزه نابت، چ باوه‌رى بت چ كوفر، چ باشى بت چ خرابى.
{ 17 } { يَمُنُّونَ عَلَيْكَ أَنْ أَسْلَمُوا ۖ قُلْ لَا تَمُنُّوا عَلَيَّ إِسْلَامَكُمْ ۖ بَلِ اللَّهُ يَمُنُّ عَلَيْكُمْ أَنْ هَدَاكُمْ لِلْإِيمَانِ إِنْ كُنْتُمْ صَادِقِينَ } ئه‌ڤ عه‌ره‌بێن ده‌شتێ موسلمانبوون وپشته‌ڤانییا خۆ بۆ ته -ئه‌ى پێغه‌مبه‌ر- ل سه‌ر ته دكه‌نه منه‌ت، تو بێژه وان: هوين موسلمانبوونا خۆ ل سه‌ر من نه‌كه‌نه منه‌ت؛ چونكى مفايێ وێ چه‌ندێ بۆ هه‌وه دزڤڕت، وخودێ منه‌ت ل هه‌وه كرییه كو به‌رێ هه‌وه دايه باوه‌رییا ب وى و ب پێغه‌مبه‌رێ وى، ئه‌گه‌ر هوين د باوه‌رییا خۆ دا دڕاستگۆنه.
{ 18 } { إِنَّ اللَّهَ يَعْلَمُ غَيْبَ السَّمَاوَاتِ وَالْأَرْضِ ۚ وَاللَّهُ بَصِيرٌ بِمَا تَعْمَلُونَ } هندى خودێیه تشتێ نه‌به‌رچاڤ ل عه‌سمانان وعه‌ردى دزانت، تشته‌ك ژێ ل وى به‌رزه نابت، وخودێ ب كريارێن هه‌وه يێ بينه‌ره وئه‌و دێ هه‌وه سه‌را وان جزا ده‌ت، ئه‌گه‌ر دباش بن ئه‌و دێ باشییێ ده‌ته هه‌وه، وئه‌گه‌ر دخراب بن ئه‌و دێ خرابییێ ده‌ته هه‌وه.
عربة الشراء 