{ 1 } { بِسْمِ اللَّهِ الرَّحْمَٰنِ الرَّحِيمِ وَالشَّمْسِ وَضُحَاهَا } خودێ ب ڕۆژێ وڕۆناهییا وێ ل تێشته‌گه‌هێ سويند خوار.

{ 2 } { وَالْقَمَرِ إِذَا تَلَاهَا } و ب هه‌يڤێ ده‌مێ ب هه‌لاتن وئاڤابوونێ ب دويڤ دا دئێت.

{ 3 } { وَالنَّهَارِ إِذَا جَلَّاهَا } و ب ڕۆژێ ده‌مێ تارییێ دبه‌ت وگه‌ش دكه‌ت.

{ 4 } { وَاللَّيْلِ إِذَا يَغْشَاهَا } و ب شه‌ڤێ ده‌مێ عه‌ردى ڤه‌دگرت وهه‌مییێ تارى دكه‌ت.

{ 5 } { وَالسَّمَاءِ وَمَا بَنَاهَا } و ب عه‌سمانى وئاڤاهییێ وى يێ موكم.

{ 6 } { وَالْأَرْضِ وَمَا طَحَاهَا } و ب عه‌ردى وڕائێخستنا وى.

{ 7 } { وَنَفْسٍ وَمَا سَوَّاهَا } وهه‌ر نه‌فسه‌كێ ودورستكرنا خودێ بۆ وێ دا ب كارێ خۆ ڕاببت.

{ 8 } { فَأَلْهَمَهَا فُجُورَهَا وَتَقْوَاهَا } وى ڕێكا خرابییێ وباشییێ بۆ ديار كر.

{ 9 } { قَدْ أَفْلَحَ مَنْ زَكَّاهَا } ب ڕاستى ئه‌و ب سه‌ركه‌فت يێ نه‌فسا خۆ پاڤژ كربت و ب خێرێ ب خودان كربت.

{ 10 } { وَقَدْ خَابَ مَنْ دَسَّاهَا } وئه‌وى زيان كر يێ نه‌فسا خۆ د بن گونه‌هان ڕا ڤه‌شارت بت.

{ 11 } { كَذَّبَتْ ثَمُودُ بِطَغْوَاهَا } ثه‌موودییان ژ به‌ر زێده‌ سه‌رداچوونا خۆ پێغه‌مبه‌رێ خۆ دره‌وين ده‌رێخست.

{ 12 } { إِذِ انْبَعَثَ أَشْقَاهَا } ده‌مێ ئه‌وێ ژ هه‌مییان بێ به‌ختتر ژ وان ڕابووى دا حێشترێ ڤه‌كوژت.

{ 13 } { فَقَالَ لَهُمْ رَسُولُ اللَّهِ نَاقَةَ اللَّهِ وَسُقْيَاهَا } ئينا پێغه‌مبه‌رێ خودێ صالحى -سلاڤ لێ بن- گۆته‌ وان: هشيارى وێ حێشترێ بن يا خودێ بۆ هه‌وه‌ هنارتى دا ببته‌ نيشان، هوين ب خرابى ده‌ست نه‌كه‌نێ، وته‌عدايییێ ل ئاڤدانا وێ نه‌كه‌ن، ڕۆژه‌كێ ئاڤ بۆ وێیه‌ وڕۆژه‌كێ بۆ هه‌وه‌يه‌. ئينا ئه‌ڤ چه‌نده‌ ل به‌ر وان ب زه‌حمه‌ت كه‌فت.

{ 14 } { فَكَذَّبُوهُ فَعَقَرُوهَا فَدَمْدَمَ عَلَيْهِمْ رَبُّهُمْ بِذَنْبِهِمْ فَسَوَّاهَا } ڤێجا وان ئه‌و د وێ گه‌فێ دا دره‌وين ده‌رئێخست يا وى ل وان كرى، ووان ئه‌و ڤه‌كوشت، ئينا ژ به‌ر تاوانا وان خودايێ وان عه‌زاب ب سه‌ر وان داگرت، وئه‌و ل سه‌ر وان ڕاستكر وكه‌س ژ وان ژێ خلاس نه‌بوو.

{ 15 } { وَلَا يَخَافُ عُقْبَاهَا } وخودێ ژ دويماهییا وێ عه‌زابێ ناترست يا وى ب سه‌ر وان دا ئيناى.